الأحد، 4 نوفمبر 2012

طريقة الرز بلبن زى المطاعم بالظبط

السلام عليكم ورحمة الله وبركاتة

وصفة النهاردة بقى رز بلبن بطريقتي . بس جميل وبسيط وفيه كذا تكة تخليه يطلع معاكي ناعم وجميل حتى وهو بارد كل مرة وأروع من بتاع بره 100مرة, حتى ماماتي اعتمدة طريقتي دي من زمان .

بإسم الله نبدا:-

ده شكل قوام الرز بلبن
الرز بلبن بس بإبداعات شيف لطيفة ^_^




وكدة لما زينا الأطباق بالجوز الهند والزبيب
الرز بلبن بس بإبداعات شيف لطيفة ^_^




المقادير دي تعملك 4 كاسات
الرز بلبن بس بإبداعات شيف لطيفة ^_^




المقادير:-

ملو ايدك كدة رز مصر او ربع كوباية
الرز بلبن بس بإبداعات شيف لطيفة ^_^




ده شكل المقادير كلها مع بعض (صورة عائلية يعنيباضحك)
الكوب المستخدم في القياس هو كوباية الماية العادية
2 كوباية لبن طازج
ربع كوباية رز
نص كوباية كريمة لباني
2معلقة كبار سكر
1 معلقة طعام مليانة نشا ذرة
وفانيليا للنكهة
الرز بلبن بس بإبداعات شيف لطيفة ^_^



يا جماعة كتير جدا جدا بيسألوني عن الكريما اللباني بالذات بعد موضوع المهلبية . كريمة الخفق او الكريما اللباني او الduble cream أوالfresh cream هي نفسها الكريم شانتية بس قبل الخفق. وفي نوعين نوع مخصص للحلويات ونوع مخصص للطبخ ممكن تستخدمي أي وحدة فيهم , بس لازم تعرفي اني الي بتبقى مخصصة للحلويات أوقات بتبقى مسكرة يعني مضاف لها سكر بس مش متوفرة كتير بالذات في مصر والي مخصصة للطبخ بتبقى من غير سكر . ممكن تستخدمي اي وحدة فيهم عادي. ده شكل كريمة خفق المراعي الي متوفرة في كل دول الخليج . دي زي ما موضح عليها للحلويات بس النوع الي مخصص للطبخ برضو ممكن تستخدمي في الحلويات لانو كريما لباني من غير سكر.وميزة اضافة الكريما للرز بلبن والمهلبية والعاشوراء بيديها نكهة جميلة جدا جدا ومش بيخليها تعمل وش حتى لما تبات في الثلاجة والميزة الأهم انها بتربط نكهة الرز بنكهة اللبن وبتدي تجانس جميل علماً
الرز بلبن بس بإبداعات شيف لطيفة ^_^




مش عارفة ليه مقتنعة اني اللرز باللبن ما يتزينش غير بالجوز الهند والزبيب باضحكيمكن علشان ما ساعات ما فتحت عنيا وأنا بلقي ماماتي بتزينه بالجوز الهند والزبيب .
الرز بلبن بس بإبداعات شيف لطيفة ^_^




الطريقة:
كتير بيشتكون اني الرز بياخذ وقت طويل عقبال مايستوي يعني بنسيب اللبن بيغلي لفترة لحد ما الرز يستوي .
بصي بقى حنعمل اية . حنجيب كاسارول وحنحط فيها (اللبن والكريما اللباني)
الرز بلبن بس بإبداعات شيف لطيفة ^_^




الرز المغسول
الرز بلبن بس بإبداعات شيف لطيفة ^_^



ونضيف السكر
الرز بلبن بس بإبداعات شيف لطيفة ^_^



كدة عندنا في الكاسرول(اللبن والكريما والسكر والرز)
الرز بلبن بس بإبداعات شيف لطيفة ^_^




حنرفعها على النار لحد ما تغلي غلوة واحدة بس او تسخن جداً ونطفي عليها ونسيبها لحوالي ساعة . والسبب اننا بنخلي الرز يستوي براحتة من أثر الحرارة وحيبقى بعد كدة كريمي جداً وبيدوب لوحدة بس محافظ على شكلة وحجمه . والأهم انك لما تيجي تاكلي الرز بلبن تحسي اني الرز كان منقوع في لبن مش في مية وطعمه فعلا طعم اللبن ومن هنا بتيجي نكهة (طبق الرز بلبن). على فكرة كلت رز بلبن عند ناس كتير وأغلبهم يا بيغلو الرز في مية وبعد كدة يضيفو على اللبن حزينةفللأسف بتحسي انك بتاكل رز مفلفل ومضاف له مهلبية أو بينقعو الرز في المية لفترة طويلة. علشان كدة بتحسي لما بتاكلي رز بلبن من بتوع المحلات اني الرز مندمج جداً والطعم متكامل كدة
الرز بلبن بس بإبداعات شيف لطيفة ^_^




ده شكل الرز اول ما غلي اللبن وقفلت عليه
الرز بلبن بس بإبداعات شيف لطيفة ^_^




وده شكله بعد ساعة بالظبط بصي بقى طري والحبة طولت جداً وجاهز اننا نعمله رز بلبن , وعلى فكرة لو دقتيه حتحسية متشبع بنكهة اللبن والكريماابتسامة


الرز بلبن بس بإبداعات شيف لطيفة ^_^


بعد ما كدة حنولع النار على الرز بلبن تاني ونسيبها تغلي كدة حوال ربع ساعة مع التقليب المستمر وحنلاحظ اني الرز استوى نهائي وبقي طري وجميل.
الرز بلبن بس بإبداعات شيف لطيفة ^_^





وهنا شكلة بعد ما استوى 100% بصي ناعم ازاي بس محافظ على شكله لسه
الرز بلبن بس بإبداعات شيف لطيفة ^_^




حنذوب معلقة النشا في مية عادية
الرز بلبن بس بإبداعات شيف لطيفة ^_^




وحنضيفها على الرز بلبن مع التحريك المستمر بالمعلقة الخشب
الرز بلبن بس بإبداعات شيف لطيفة ^_^




وده بقى شكلة . نيجي بقى لمواصفات الرز بلبن الصحيح . حيبقى قوامة شبة تقيل بس أقرب للسيولة . والرز متوزع كدة على الوش زي ما خدتي بالك من الصوره دي مش نازل في قعر الكاسرول.
الرز بلبن بس بإبداعات شيف لطيفة ^_^




بصي كدة من قريب . واضح جداً اني قوامة شبة سائل بس مش لدرجة الماية
الرز بلبن بس بإبداعات شيف لطيفة ^_^




وعلشان توصل الفكرة اكتر بصي بينزل بسهولة ازاي . ليه علشان الرز حيفضل ينزل في نشا وحيخليه يمسك أكتر وأكتر واحنا مش عيزينوة يبقى متماسك وناشف .علشان كدة ما تقلقيش وما تحاوليش تضيفي نشا زيادة لاني دي مقادير مدرسوة 100%
الرز بلبن بس بإبداعات شيف لطيفة ^_^




بحب أضيف رشة فانيليا بتدية نكهة جميلة قداً قداً قداًموافقة
الرز بلبن بس بإبداعات شيف لطيفة ^_^




سبته يهدي شوية وصبيته في الكاسات . بصي الرز متوزع ازاي بشكل صحيح في كل الخليط. وبيتصب بسهولة وشبة كثيف بس مش تقيل.
الرز بلبن بس بإبداعات شيف لطيفة ^_^



بصي على الجمال
الرز بلبن بس بإبداعات شيف لطيفة ^_^



أخواتي أخدو كوبايتين علشان مش بيحبو عليه اي مكسرات .
الرز بلبن بس بإبداعات شيف لطيفة ^_^




والكوبايتين دول زينتهم بجوز الهند والزبيب
الرز بلبن بس بإبداعات شيف لطيفة ^_^




أسيبكم مع الصورة النهائية لكاسات الرز بلبن بعد التزين
الرز بلبن بس بإبداعات شيف لطيفة ^_^

الرز بلبن بس بإبداعات شيف لطيفة ^_^

الرز بلبن بس بإبداعات شيف لطيفة ^_^




بصي جميل ازاي من قريب
الرز بلبن بس بإبداعات شيف لطيفة ^_^




وهنا سبتها لما بردت خالص وده بيبقى قوامها . ناعمة وزي الزبدة وطعمها ما أقولكيش بقى.
الرز بلبن بس بإبداعات شيف لطيفة ^_^


لو حبيتي الرز بلبن بتاعك يبقى جميل الشكل الده التزمي بالمقادير الدقيق والتكات وصدقي مش حتغير الطريقة دي لو جربتيها لانها خلاصة خبرة بحطها بين إديكي.




كدة تمام الموضوع خلص للأسف القعدة الجميلة معاكم دايما بتخلص بسرعة بس أكيد لينا لقاء تاني مع وصفة جديدة من مطبخي . بتمنى موضوعي البسيط يكون عجبكم وما تنسوش أختكم لطيفة من صالح دعواتكم الجميلة.


منقول من فتكات

يمكنك أيضا قراءة:

 المقرمشات الطازة تعالى اعملى لولادك الصن باى
 جدول أكلات الاسبوع.. مش هتحتارى تطبخى ايه
 طريقة عمل الكيك العادية بالفيديو

هناك 17 تعليقًا:

غير معرف يقول...

ﺍﻟﻠﻪ ﺍﻟﻠﻪ ﺗﺴﻠﻢ ﺍﻳﺪﻳﻜﻰ ﺍﻟﺤﻠﻮﻳﻦ ﻭﺟﺰﺍﻛﻰ ﺍﻟﻠﻪ ﺧﻴﺮ ﺩﻩ ﺍﻧﺎ ﻣﻦ ﺟﻤﺎﻟﻮﻩ ﻫﻘﻮﻡ ﺃﻋﻤﻞ ﻟﻠﺎﻭﻟﺎﺩ ﻭﺍﻟﻠﻪ

Unknown يقول...

تسلمى يا اختى
نورتى المدونة
جزاك الله خيرا وبارك لك فى اولادك

غير معرف يقول...

والهي اسلوبك تحفة وطريقتك جميلة وهجربها انشالله ربنا يباركلك وبجد اول مرة اعلق علي حد

Unknown يقول...

ان شاء الله تجربيها ياقمر نورتى المدونة
وانا مبسوطة بتعليقك ابقى قولى لى النتيجة

حسام يقول...

انا بحب الرز باللبن جدا ومكنتش عارف بيتعمل ازاى لانى عايش بالسعوديه لوحدى وماما هى اللى كانت بتعملهولنا بس بعد طريقتك دى الحمدلله فهمته جدا وهروح النهارده اعمله تسلم ايدك على الموضوع الجميل ده

Unknown يقول...
أزال المؤلف هذا التعليق.
Unknown يقول...

باين عليه جميل ومضبوط تسلم ايديكي

غير معرف يقول...

الطريقه جميله جدا واني هسه رحت سةيته وخليته ساعه حتى الرز ينطبخ ورجعت علقت ع الموضوع حقيقه تسلم ايدك ولني وزوجينحبه كثير ومااعرف كيف ينعمل مشكوره كثير

Lolia يقول...

شكرا بجد ربنا يكرمك الوصفة هايلة و جربتها و نجحت جدا بس لو عايزينو اطعم كمان اطحني حبتين مستكة معاه و ادعولي بقي بس بجد الطريقة دي جديدة و فعلا ممتازة شكرا

غير معرف يقول...

Very delicious

غير معرف يقول...

انا عملتها بنفس الخطوات بس الرز احتاج وقت يستوي و طبعا كميه االسوايل قلت و لما اضفت النشا مطلعش سائل مثل طريقتك الرئعه بس طلع ماسك بلاسوائل مش عارفه الغلط فين يا ريت تفيديني و تسلم ايدك :)

غير معرف يقول...

انا جربتها زى ما قولتى بظبت و طلع هايل هايل بجد تسلم ايديكى شاطرة خالص :)

غير معرف يقول...

تسليم ايدك بس كان عندي استفسارصغيرانا عملت رزباللبن عادي بس الرزني شويه اعمل ايه

Unknown يقول...

بصى لو الرز طلع ني معاكى زودى اللبن حبة ماية صفيرين اوى وحطيه على النار تانى ووطى خالص
انتى المرة الجاية حاولى ماتطفيش على الرز قبل ما تتاكدى انه استوى وبالهنا والشفا ياقمر

غير معرف يقول...

جميل انا عملتة طلع تحفة تسلم اديديكى

Unknown يقول...

تسلمى بجد .. اخير عملت رز باللبن حلو

Unknown يقول...

تسلمى بجد .. اخير عملت رز باللبن حلو