طريقة القرنبيط المقرمش

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

دايما وانا بسلقه باخد نصف حزمة البقدونس مع معلقة صغيرة كمون وملح لييييييييييه؟؟؟؟؟؟؟؟

لان البقدونس بيمتص الغازات الموجودة في القرنبيط وبتسبب انتفاخ

وان شاء الله تستمتعوا باكله

اول حاجة بسلقه من 7 ل 10 دقايق مع البقدونس والكمون وملح

وطبعا التتبيلة العادية

ملح وفلفل وربع معلقة كمون +4 فص توم كبير +1 طماطم صغيرة +فلفل احمر رومي

4 معالق دقيق +رشة زعتر + خضرة بقدونس وشبت وكزبرة

+4 بيض وماء قليل للخلط اقل من ربع كوب


كل ده بنطحنه في الخلاط ما عدا الخضرة بنضيفها اخر حاجة

بعد طحن المكونات بضيف الخضرة المقطعة كده

وطبعا نضع القرنبيط فيها نصف ساعة



ده بقي عيش فينو عادي طحنته في الكبة خشن شوية مش ناعم

وبعد كده بدخله الفرن ينشف ربع ساعه

مش بحمصه بنشفه فقط كده



وهنا نصفي القرنبيط كويس من الخلطة

عشان ما يعجنش من جوه تصفوه من الخلطة كويس

واغلف القرنبيط بالبقسماط كده





وممكن ببقسماط جاهز زي ده



بعد التغليف كويس جدا بالبقسماط ندخله الفريزر

اقل حاجة نصف ساعة او ساعة يتماسك



وده شكله بعد التحمير لان الفينو خشن

كان بيقرمش جدااااااا



قدمته مع بطاطس وسلطة طحينة



منقول