حنيجي للبيت مكان مكان
بس اول خلينا نتكلم شويه على الروتين اليومي
بنصحا الصباح نعسانين ومش قادرين نحس بالنشاط والدافع للقيام بالشغل
اول ماتصحي الصبح قولي ( اصبحنا واصبح الملك لله رب العالمين ،
اللهم اني اسالك خير هذا اليوم فتحه ونصره ونوره وبركته وهداه
واعوذ بك من شر مافيه ومن شر ما بعده )
وقومي اتوضي وصحي زوجك على الصلاه ،وصلي سنة الفجر والفجر واقرأي المعوذات
بعد ماتنتهي من الصلاه ..... حتكوني حسيتي بالنشاط 10%
بعد كده قولي بسم الله واستعنت على الله
جزء المدرسة :
روحي لولادك صحيهم ع المدرسه وطلعي الي بدك تطبخيه من الفريزر ،وحضري فطورهم شئ بسيط ومفيد
افردي على الرخامه مناديل حقة المطبخ واعملي عليها ولما تخلصي كبيها علشان مايطيح شئ ع الرخامه
واولادك بيفطرو حضري اغراضهم وودعيهم واستودعيهم الله وخلي اعصابك رايقه بلاش العصبيه من على الصبح
راحو خلاص ادخلي على طوول اجلي كل الاطباق والكاسات ع السررريع
جزء الزوج والعمل:
صحي زوجك اقعدي جمبه ع السرير العبي بشعره شويه بوسيه بوستين على خده
مع كلمة صباح الخير ياحبيبي ..... تاكدي قبل مايقوم انك محضره منشفه نضيفه والحمام نضيف
والمغسله نضيفه وملابسه محضره ومكويه حضري له كل شئ قبل مايقوم علشان مايضطر يقولك هاتي كذه وهاتي كذه
جزء البيت :
قبل اي شئ حددي وقت لكل عمل حتعمليه مثلا التكنيس نص ساعه المسح ربع ساعه الجلي ربع ساعه
روحي على الغسيل الوسخ ... حددي الوجبات الي بدك تغسليها .... ابيض ملون مناشف مثلا
وركبي على الغسيل اول شئ وابداي شغلك العادي ......
خدي مكنسة الكهربا مري فيها على البيت اي غبره اي وسخه كنسيها
بعدين هاتي ملمع القزاز وممسحه .... ومري على اي كمدينه طاوله بوفيه تسريحه مرايه امسحيها بسرعه
وادخلي غرفه غرفه لمي الاشياء الي بدها كب وكبيها وعدلي الفرش والمخدات واللللخ
كله تمام امسكي الباسكت وكبيها وحطي كيس جديد ورجعيها بالغرفه وسكري الباب
وكده مع كل غرفه ........
جزء الغرف:
غرفة النوم
اول مايقوم زوجك من السرير ضبيه على طووووووول ماحياخد دقيقه ورتبي التسريحه والكمدينات
شرشف السرير خصصي يوم بكل اسبوع مثلا يوم السبت تغيري شرشف السرير(ملاية السرير) ووجوه المخدات
وعلى طوووووووول الي شلتيهم تروحي غسلاهم ..... ماتكسلي وتقولي بعدين !!!!
الادويه .... ممكن بكل سهوله ترتيبهم بهاي الطريقه
غرفة الملابس
لو في غسيل بده تطبيق طبقيه لاتأجليه خلي كل يوم بيومه .... ورتبي الملابس في دولابك
انه كل قطع الملابس بالوان موحده مع بعض مثلا الاسود فوق بعد الابيض فوق بعض
الاحمر والاورانج والوردي مع بعض الازرق والبنفسجي مع بعض الاصفر والاخضر والبني مع بعض
وهكذا ........... الشوزات مكاين الحلاقه البراون الفير السشوار ممكن تحطيهم بكياس الاوريجنزا هاي
رتبت اغراض زوجي في المقسمات روووعه شوفو
لو في غسيل كتير بده نشر انشري على كنب غرفة الضيوف مثلا مش مشكله المهم ماتكون الك حجه ماتغسلي كتير علشان
مافي مكان للنشر؟!!!!
اما الكوي ... كل يوم بيومه اكوي في العصر المغرب العشا اي وقت تلاقي نفسك نشيطه
وحبذا لو كويتي قطعتين تلاته في نفس الوقت مدامك كاويه وكاويه ...... واكوي بذمة وضمير وخلي دائما
كلمة في بالك ان مظهر زوجك واناقته ونظافته بيعكسك انتي كيف مهتمه فيه وكيف معتنيه بلبسه وهندامه
غرفة الاطفال
رتبي اللحفات والسرير كبي الوسخات رجعي الملابس الشراريب الشوزات الالعاب كل شئ مكانه
واهم شئ انك تحددي وقت تخلصي فيييه
/
غرفة الجلوس او المعيشه
وهي تعتبر الغرفه الاهم لازم لازم 24 ساعه تكون نضيييفه لانو هيا وجهك
اي ضيف حيكون فيها ..... زوجك واولادك فيها ....
اي شئ ممكن يكركب في الغرفه حزنية في بوكسات بالشكل هذا
حتى الكتب الي خلصتي منها مثل كتب الجامعه
حطيتي شاي او قهوه لما نتنهو شيليهم على طول على المطبخ واجليهم وشطفيهم وارجعي
حطيتي اكل نفس الطريقه اخدتي اي شئ من درج لما تخلصي منه رجعيه مكاااااانه الطاولات 24 ساعه نضيفه
البوفيه نضيف ....ماتعطي نفسك فرصه تكركبي
غرفة الضيوف
هاي الغرفه نادره الاستخدام لذلك انتي خليها مرتبه دائما والباسكت نضيف
وقت مابدهم يجوكي ضيوفك ادخلي هويها وكنسيها وامسحي غبرتها .........
وعطريها
الحمامات
وهاي وجهك الاخر حمامك نضيف انتي نضيفه والعكس صحيح
حتخسري من وقتك 10 دقايق جيبي هاربيك او فيري وحطي على البانيو وبالمكنسه العاديه ادعكي ورشي
بالشطاف .... خصصي اسفنجة خاصه بالحمام غير حقة الجلي ........
حطي منظف على الكبانيه وكلور في القاع .. وادعكي بسرعه وشطفي بالشطاف
المغسله نفس الطريقه ....... حطي شوية ديتول على الارض او كلور حسب ماتحبي
ورشي ميه واشطفي مش حتحتاج دعك لانك يوميا بتنظفيها فا ماحتكون الاوساخ متراكمه !
تاكدي ان الصبانه والصابونه والمنشفه وكاسة فراشي الاسنان كلهم نضااااف
طبعا هذا يوميا مش بس وقت الضيوووف؟؟
//
نيجي للي متعب نفسيات الكثيرات وانا كــــــــــنــــــــت منهم
المطبخ
ملاحظه بالنسبه للطبخ لو زوجك قلك راجع على الساعه 2 الضهر مثثثلا
ماتخلصي طبختك على 2 لا قولي راح اخلصها ان شاء الله على ال 1 الضهر
علشان حتى لو اتاخرتي يكون عندك وقت اضافي كافي ..........ومايتنكد زوجك منك
بالنسبه للنضافه اول شئ لازم تقومي عليه قومة مزبوطه قبل ماتبدأي روتينك بالتنظيم
رتبي دولاب الطعام والمعلبات ... شوفي الرز السكر المكرونه والبهارات كيف خزنتهم بطريقة حلوه
رتبي التلاجه رتبي الدواليب الصحون والكاسات والحلل
رتبي الملاعق والمغارف والسكاكين
رتبي المكنسه والقشاطه جمب بعض في زاوية ورا الباب مثلا
جيبي متل هاي وطبقي فيها الاكياس شكلها مرررررتب جدا
الفرن ادعكيه والمجلى والارض اي شمع ورق اقلام اكسسوارات .....الخ اي حاجه مش للمطبخ فورا رجعيها مكانها
كده المطبخ فله؟؟؟ اوكي لما تصحي الصبح طلعتي الدجاجه مثلا افتحيها ارمي كيسها على طوول في الباسكت
نضفيها واجلي كل الاشياء اللي استخدمتيها ....
طلعتي ملح زيت رز بهار اي شئ استخدميه ورجعيه مكانه بنفس الللحظه
حتى لو حتسدخدميه بعد شويه حطيه على جمب .... خلي الرخامه 24 ساعه نضيفه وممسوحه
والغاز وانتي بتقلي بتقلبي الرز بتحركي الصلصه اي شئ اتكب على الغاز
على طوول بورق المطبخ امسحيه ماتخلي اي فرصه لتراكم الاوساخ
الجلي اي شئ يطيح بالمجله فرامة البصل المبشره السكينه لوح التقطيع صحون علىىى طول اجليهم ماتستني خلي حلة الفيري مليانه دائئئما
لما تحطي الغدا اتاكدي ان الغاز نضيف والمجلى فاضي والرخامه نضيفه بعد الغدا رجعي الخبز الرز المخلل مكانهم
واغسلي الاطباق بسسسرعه واطفي النور سدقيني لو اتعودتي كل يوم تعملي كده حتلاقيها سسسسسسسهله جدا
خلصتو غداكم لمي السفره وهاتي ممسحه امسحي الطاوله والمكنسه العاديه كنسي مكان الاكل او اللمامه للسجاد والموكيت
عملتي لجوزك قهوه ؟؟ شاي حطيتي فواكة شبيس اي شئ
لما يخلص شيلي على طوول وروحي اشطفيهم بسرعه كده مش حتلاقي جلي في المجلى من اصله
/
قبل ماتنامي اتاكدي ان البيت نضيييف وكل شئ في مكانه مافيش غسيل بده نشر في الغساله اواعي زوجك واولادك لبكرا كلها نضيفه
البيت فيه ميه وفيه خبز ... الشبابيك مسكره الانوار مطفيه والمطبخ نضيييف ياسلام ياراحة البال
شايفين الموضوع حيكون صعب في البدايه بس اول اسبوعين
بعدين اصلا البيت حيكون مرتب يعني ماعليكي الا انك ترجعي الاشياء لمكانها وتكنسي الغبره
وخلالالالالالالاص مش حتعملي اي شئ اخر
ليست هناك تعليقات:
إرسال تعليق