الأحد، 4 نوفمبر 2012

سر الطعمية الناجحة الهشة المقرمشة

بسم الله الرحمن الرحيم

المقادير
كيلو فول مدشوش
بصلة كبييييييييرة
راس توم
خضرة حوالى حزمة صغيرة
ملعقة كبيرة شمر
الطريقة
اول حاجة طبعا هتنقى الفول وتغسلية وتنضفيه وتبليه لمدة يوم وليلة كاملة
وتغيرة المية كل شوية عشان الريحة ولو فى الصيف حطيه فى التلاجة احسن

وادى المكونات البسيطة بصلة كبيرة وراس توم مع شوية خضرة صغيرة يعنى ممكن حزمة وما تكتريش لانها هتسود منك واحنا عايزين لونها دهبى



بعد كدة هتصفيه كويس جدا لفترة لان الخضرة بتطلع مية مع الفرم
وادى صورة للمكونات



هنركب المفرمة اليدوى لالالازم اليدوى لان اللى بالكهربا مش نافعة خالص ومتعبة ك كدة



نحط شوية فول مع بصل مع توم وخضرة عشان العجينة تبقى مخلوطة




ونبدا عملية الفرم ونحط المقادير شوية بشوية ويالا العضلات




وادى الفرم من قريب



وكده خلصنا المقدار




هنفرم مرة كمان وتبقى ناعمة شوية





وده الفرق بين الناعم والخشن لو عايزاها خشنة براحتك ما تفرميهاش تانى



ودى صورة اقرب للعجينة بعد ما خلصنا المقدار كله





ودى صورة اقرب للعجينة الناعمة مفرومة مرتين





كدة عجنتها بايديا عشان المكونات تختلط ببعضها





هتكيسيها فى اكياس التلاجة لحين استخدامها




وتبقى رفيعة يعنى تبططيها عشان ما تاخدش مكان فى التلاجة وسهلة الفك بعد طلوعها




لسسسسسسسسسسسسسسسسسسسه هكمل استنوووووووووووووو









نيجى للتكة المهمة عايزاها زى الجاهزة اللى بتشتريها من برة عجينة جاهز هتيجى تضربيها فى الكيتشن او مضرب كهربا شوية لحد ما تبقى زى الكريمة مالهاااااااااااااااااااااااااش حل بجد







دى حشوة عبارة عن فلفل حار شطة جدا مفروم مع توم وبخزنة لاى حاجة فول او طعمية وطعمه حلو جدا وهتحشى بيها الطعمية على ايدك وصوابعك






مفيش مضرب عنك تتصرفى وتجيبى بيضة وشوية كزبرة ناشفة نص مطحونة وملح واشتغلىبالمعلقة



ودى فى الزيت بتتحمر وقلبتها على الوجه التانى





شوفو شكلها دهبى ازاى والطعم خطيييييرة




ودى بقى الاقراص المحشية بالحشوة مرشوشة بالسمسم



هنعمل بقى عين الكتكوت
هتجيبى بيضة مسلوقة نص سليق وهتغلفيها بعجينة الطعمية وتحمريها فى زيت غزييييييييييييييييييير زى الصورة كده حتى للاطفال شكلها مغرى




وده شكله النهائى









منقول
__________________http://www.soonaa.com/vb/showthread.php?p=50211#post50211

ليست هناك تعليقات: