الأحد، 4 نوفمبر 2012

نصائح مختلفة للتوفير

جبتلكم شوية نصائح
يارب تستفيدوا منها
نصائح مختلفة لاحلى فتوكات من تجاربى وخبرتى الشخصية
1-ازاى تقدرى تفرقى وتعرفى الاستانلس الاصلى من التقليد
دايما وانتى رايحة تشترى استانلس خدى معاكى مغناطيس وجربيةفى الحاجة اللى هتشتريها
لو انجذب ليها يبقى دا مش اصلى لانة بتكون فية نسبة من الحديد علشان
كدة بينجذب لية المغناطيس لا كن لو اصلى طبعا هيحصل العكس ومش هينجذب المغناطيس
نصائح مختلفة لاحلى فتوكات من تجاربى وخبرتى الشخصية
2-تانى نصيحة لو عايزة الا لومنيوم تلمع كويس بدون اى مجهود خلى دايما عندك صابونة للالومنيوم
زى مثلا صن لايت او النوع الابيض بس يكون كويس لان مش كل الانواع ممكن تدى اللمعة للالومنيوم
يعنى مهما كان نوع الصابون السايل ومهما كان سعرة او ماركتة عمرة ما هيديكى لون النظافة واللمعة
اللى تحبى تشوفيها
وكمان الصابون بيشيل الطبقة السودا او الزرقا اللى بيتكون فى الالومنيوم
والصابون السايل خلية للاطباق والملاعق والكوبايات وطبعا تنظيف باقى المطبخ
نصائح مختلفة لاحلى فتوكات من تجاربى وخبرتى الشخصية
3- بالنسبة للمرقة طبعا كلنا سمعنا وعرفنا انها مصنوعة من اية وازاى
والواحد بصراحة عاد قرفان حتى يسمع اسمها
فى بديل عند العطاريين اسمها( توابل الشوربة)بتشترى الكمية اللى انتى عيزاها
وريحتها وطعمها احلى واطعم من المرقة وجربى واحكمى واحلى حاجة ان هما اللى بيعملوها
من التوابل العادية وممتااااااازة
نصائح مختلفة لاحلى فتوكات من تجاربى وخبرتى الشخصية
4-دى نصيحة خاصة
دلوقتى يا فتوكات سعر الرز رخيص جدا لان دا موسمة
الحقى اشترى كمية مناسبة تكفيكى طول السنة وخزنيها هتخسرى مبلغ فى الشهر وهيريحك
طوووووول السنة دا غير ما هيوفر معاكى كتييييير بعد كدة بالنسبة لسعر الرز بعد كام شهر من دلوقتى
انا بجيب كمية من السنة للسنة وبتوفر معايا كتير قوى وبتريحك حتى لو الظروف متسمحش بالشرى فدى بتكون
موجودة ومتوفرة
وهقولك ازاى تخزنية من السنة للسنة من غير ما يحصلة اى حاجة
كل شوال من الرز ان كان وزنة 25 او 50 او اكتر حطى فية كمية من الملح وقلبية كويس
وهيعد عندك طول السنة زى الفل من غير اى مشاكل
نصائح مختلفة لاحلى فتوكات من تجاربى وخبرتى الشخصية
5-ودى فكرة لحفظ الفينو الخاص بالسندويتشات فى الفريزر
انك تجيبى العيش الفينو وتفتحية لو هتقسمى الرغيف اقسمية وبعد كدة افتحية و
حطية فى كيس وشيلية فى الفريزر لتانى يوم وطلعية قبل الاستعمال بربع ساعة هتلاقية رجع طرى وزى الفل وبكدة مش هننزل كل يوم لشرا الفينو
نصائح مختلفة لاحلى فتوكات من تجاربى وخبرتى الشخصية
6- حطى قطعة فحم أو قطعة من البطاطس في إناء صغير في الرف الأوسط من الثلاجة للتخلص من الرائحة غير المستحبة .
نصائح مختلفة لاحلى فتوكات من تجاربى وخبرتى الشخصية
7-حطى فى الثلاجة قطعة فحم وقليلا من البن لامتصاص الروائح غير المرغوب فيها .
نصائح مختلفة لاحلى فتوكات من تجاربى وخبرتى الشخصية
8- للتخلص من رائحة البهارات في المطحنة الكهربائية اطحني بها قليلا من الخبز المحمص .
نصائح مختلفة لاحلى فتوكات من تجاربى وخبرتى الشخصية
9- ضعي قليلا من النشادر لطرد الحشرات المنزلية من حول صندوق القمامة و للتغلب على رائحة القمامة .
نصائح مختلفة لاحلى فتوكات من تجاربى وخبرتى الشخصية
النصايح والافكار دى من افكارى الخاصة ومن خبرتى الشخصية
اتمنى انها تعجبكم وتستفيدوا منها
وانا عارفة ان كتير منكم يعرف الحجات دى بس اكيد فى فتوكات تانية
متعرفش وهتستفيد من المعلومات دى
ولكم منى جزيل الشكر
ومتنسوش التقييم يا فتوكات لو عجبتكم النصائح والافكار

ليست هناك تعليقات: