طبق الشاورررما مع الرز الريزو

طبق الشاورررما مع الرز الريزو نطلع كيس فيه لحمة مش ضروري تبقى حمرا اوي ونقطعها رفيع زي كده وهنحتاج كمان ل بصل جوانج وفلفل الوان لو اولادنا بيحبوه طماطم جوانج و وبقدونس مفروم وشوية توابل و فلفل اسود / ملح توابل شاورمة من عند العطار توابل لحمه علبتين زبادي م خل م صويا صوص ( ممكن الاستغناء عنها لو مش عندنا ) م زعتر ربع معلقة توم بودر ربع معلقة توم بودر بس كده .. الطريقة اول حاجه بعد ما قطعنا اللحمة شرايح نحطها في الطاسة زي كده ونسيبها شوية لغاية ما تنزل مايتها ولما تشرب مايتها ونحس انها نشفت ننزل بمعلقتين زيت ذرة و بالبصل والفلفل بتاعنا ونقلب ونفضل نقلب لغاية ما نحس ان البصل دبل زي كده وبعد ما البصل نلقاه دبل زي كده ننزل بكل توابلنا والمكونات التانية اللي معاه ونقلب ونقلب ودي شكلها بعد تقليب الزبادي والتوابل والخل والصويا صوص وكله كله بعدين نسيبهم شوية ع نار هادية ينزلوا مايتهم ويشربوها وتدخل على السوا بعدين لما نحس انهم خلاص استوت اللحمه وهي مش هتاخد وقت معاكي لان لحم البوفتيك او لحم الشاورما الرفيع ده مابياخدشي سوا نهائي ننزل بعدين بالطماطم والبقدونس بتوعنا ونقلب هتلاقي الطماطم دبلت والبقدونس داخل على الدبلان نقفل على طول عشان الطماطم ماتنزلشي مايه كتير وتعوم الشاورما مننا عايزين نحس بطعم كل حاجه البصل والطماطم والبقدونس ودلوقتي هنعمل الرز الريزو بالطريقة السهلة والجميلة واللي بتطلع لنا في الاخر نفس طعم رز كنتاكي هنقول الاول على مكونات الطبق السهلة واللي في كل بيت معلقة سكر ومعلقة كاري كبيرة ومحترمة كده ومعلقة صويا صوص .. رشة فلفل اسود معاكي بصلة مفرومة صح معاها قرن فلفل مولع كده لزوم الشعوطه هههه تشيلي وانتي بتعملي الشاورما حتتين كده على جنب تحطيهم في الرز هنجيب الاول الحلة بتاعتنا ونحط فيها شوية زيت ومعاها معلقة السكر بعدين نبتدي نحمر السكر لغاية ما يبتدي يتكرمل معانا زي كده بس اوعي يتحرق منك لحسن يمرر الاكله وهو لسه اصفر دهبي كده نرمي على طول البصل المفروم ونقلب لغاية ما لونه يبقى دهبي غامق كده بعدين نضيف عليهم قطع اللحمة و نضيف كل توابلنا ومكوناتنا التانيه اللي هي معلقة كبيرة كاري وهو ده سر طعم الريزو وم الصوص صويا والملح والفلفل الاسود ونقلب زي كده وتقليبه و ضيفي بعدها وبسرعة قبل التوابل ما تتحرق ربع كوباية ماية مش اكتر ده عشان عقبال ما تنزلي بالرز بتاعك يعني وبعدين يلا بالرز ويلا نقلب شوية في الرز لغاية ما يبقى مفلفل كده بعدين يلا ضيفي الماية بتاعة الرز بتاعك عادي جدا وطبعا عارفين الخطوات اللي بعد كده يتشرب الرز المايه بتاعته وبعدين نوطي النار عليه ونسيبه مع نفسه لغاية ما يستوي ودوقي احلى رز ريزو منقول http://www.soonaa.com/vb/showthread.php?p=50165#post50165