والله ما عارفة ابدأ ازاي ولا احكي ايه
ربنا يستر علينا كلنا وعلي بنات المسلمين واخواتنا المسيحين
ربنا يستر كل بنت يارب
سامسونج جلاكسي
اللي اشترت منكم جلاكسي وكان قبل كده معاها نوكيا ومتعرفش اوي في الجلاكسي
الجلاكسي فيه عيب خطير
وهو التحميل الفوري
طبعا اول ما بتجيبي الموبايل جديد بيطلب منك تسجلي في الgmailعشان تعرفي تنزلي البرامج من الماركيت علي طول
فبكده انتي بقي عندك اكاونت علي gmail
الموقع دلوقتي بقي عامل زي الفيس بوك
ليكي تدخلي وتضيفي اصدقاء وتعلقي وتشيري صور
(جوجال بلس)
التحميل الفوري ده بقي بيرفع اي صورة انتي تاحديها بكاميرة موبايلك علي الموقع مباشرة حتي لو انتي مسحتيها من علي موبايل
الموقع مش بتتمسح منه
وحتي لو دخلتي الموقع نفسه ومسحتيها.. طول ما في مزامنة للتحميل الفوري برضو هتترفع الصور
وبيتيح ان كل الناس تشوفها
الا اذا كنتي مظبطة في الاعدادات ان محدش يشوف صورك دي
المشكلة مشكلة بنت من العايلة عندي ربنا يهدي بالها ويارب تكون الصور محدش شافها
البنت مكنتش تعرف ودخلت الموقع بالصدفة وسبحان الله الساعة4 الفجر اكتشفت
ان كل صورها وصور ولادها اترفعت علي الموقع
وفيها صور ليها بشعرها
وفي صور كانت متصوراها لجوزها
ودخلت اتصدمت وجاتلها حالة هسترية وخضة خصوصا ان ولاد الحرام علي النت ما بيصدقوا يفضحو اي بنت حتي لو لابسة حجاب
سبحان الله الفجر صوت جواها قالها افتحي الموقع لانها شكيت برسالة جاتلها
يمكن الان التحميل الفوري للصور من موبايلك
وبين حاجة اسمها بيكاسا
لقت صورة من الصور عليهاعلامة مدورة مجدولة علي جنب الصورة
شكت انها فعلا ممكن تكون اترفعت
هي طلبت مني اكتب في المحتارة بس انا فضلت اكتب هنا عشان موضوع مهم ولازم الكل يشوفه
وهي طالبة دعواتكم بظهر الغيب ان ربنا يسترها وميفضحهاش وميكونش حد اخد اي صور ليها
ادعولها كلكم بالستر وعلشان كل واحدة تاخد بالها كوني حريصة
منقول
ليست هناك تعليقات:
إرسال تعليق