ولادك رجعولك السندوتشات تعالى اقولك تعملى بيهم ايه

النهاردة جاية اقولكم على السندوتشات اللى ولادنا بيرجعوها ومش بيكلوها فى المدرسة وبيستهبلوا طبعا
مكلتش ليه يا حبيبى اصلى مش جاعن ياماماحاجة تفلق
طيب هتعملى فيها ايه هترميها بقى لأنها بقت مبرولة ومتتكلش؟؟؟؟؟؟
لأ طبعا انا اقولك تعملى منها احلى سناكس للولاد بدل الكرتية والشبسي اللى بيجبوه ويعيهم
طيب ازاى انا اقولك
بصى يا ستى انتى تجيب السندوتشات وتفضي الحشو اللى جواها كدا

وبعدين ناخد الفينوا نقطعه شرايح متوسطة كدا

وبعدين نرصها فى الصنية جنب بعض منخليهمش فوق بعض كدا

وبعدين نحطهم فى الفرن يتحمصوا على نار هادية كدا عشان منحرقمش
والحشو اللى كان فى السندوتشات نقطعة قطع صغيرة

ونشيله فى علبة ونحفظة فى الفريزر لما نحب نعمل بيتزا هينفعنا
ودا الشكل النهائي للفينو بعد ما اتحمص

وكدا بقى عندك صن بايتز مخبوز من خير الطبيعة من بيتك وبمنكهات طبيعية وطعموا
احلى بكتير ويا سلام لو ترشي عليه شوية زعتر ناشف هيبقى طعموا جنان واحو تخلى الولاد يتسلوا فيه بد ما تشترى من برا
ايه رأكم ياريت لو عجبكم تجبروا بخطرى وتقيمولى بقى