الاثنين، 25 فبراير 2013

عايزة تخسي من غير رجيم تعالي اقولك تعملي ايه

بصوا يا بنات انا هقولكم تجربتي الشخصيه مع الرجيم

انا بصراحه جربت رجيمات كتير قوي وتعبت وديما نفسيا كنت بتعب لما الرجيم يفشل

بس من حوالي شهر تقريبا دخلت علي اليوتيوب شوفت فيديو لدكتوره اسمها سمر

كانت اول مرة اشوفها قالت خلطه كده قولت اجربها مش هخسر حاجه ما انا جربت كتير

جت علي دي وكلها حاجات طبيعيه ومش هتضر قبل ما اقولكم خلطه المشروب

احب اقولكم انا انهارده بقالي 27يوم بالظبط متبعه المشروب ده ونزلت في المقاسات علي المازوره اللي بقيس عليها حجم الوسط والصدر والارداف 5سم طبعا فرحت جدا وعلي الميزان نزلت 7كيلو

بس خدوا بالكو الدكتورة قالت الوصفه دي بتقل الحجم يعني في المقاسات لانها بتحرق دهون مش عضلات
يعني تخسي علي الميزان قليل بس في الميزان كتير بس انا نزلت علي الميزان لان كنت بقل في الاكل مع الوصفه

بس والله يابنات الوصفه فعلا كان ليها اثر في زياده معدلات الحرق يلا بقي علشان مطولش عليكو اقولكو الوصفه

بصي ياستي

1/4معلقه قرفه

1/2ملعقه جنزبيل

1ملعقه كمون

2شريحه ليمون

1/2ملعقه شاي اخضر

وتسخني المياه وتحطيها عليهم متغليهمش وتسبيهم خمس دقايق في المياه الساخنه وبعدين تشربيهم قبل الاكل بتلت ساعه

جربي الوصفه دي بانتظام 3مرات يوميا قبل كل وجبه واعملي تمرينات لمده5دقايق او ارقصي 5دقايق يوميا

وقوليلي بعد شهر من اتباع النظام بقيتي تلبسي مقاس كام انا قليت نمرتين في البنطالون وان شاء الله ناويه اكمل لحد رمضان ادعولي اثبت

ليست هناك تعليقات: