بسكوت مملح سهل بالصور

يلا نبدا بسم الله المقادير لكل كوب دقيق نص معلقه صغيره ملح نص معلقه صغيره سكر نص معلقه كبيره بيكنج بودر معلقتين كبار زبده او سمنه تكون بدرجه حراره المطبخ ربع كوب لبن بيضه هنضربها ونحط نصها بس عشان النص التانى هنلمع بيه وش البسكوت وعليه شويه لبن قبل ما ندخله الفرن اظن مقادير سهله واقتصاديه ومتوفره فى كل بيت ونتيجتها ولا اروع من كده الطريقه الاول هنخلط المقادير الجافه مع بعض الدقيق والسكر والملح والبيكنج بودر خلط كويس نضيب الزبده ونفركها كويس مع الدقيق لغايه مايبقى الخليط رملى نضرب البيضه كويس ونضيف نصها على اللبن ونضيفهم على الدقيق ونبدا نخلطه كويس لغايه كل المقادير ماتبقى متجانسه مع بعضها وخدى بالك ممكن اللبن يزيد شويه او يقل حسب ما تلاقى العجينه معاكى ندخل العجينه التلاجه لمده ساعه ترشى لوحه التقطيع يشويه دقيق وتبداى تفردى العجينه يادوب سمك اسم او اقل لانهابتنفش وتقطعيها وتشكليها على حسب ما تحبى مربات دواير نجوم انتى وذوقك فاكره نص البيضه هههههههههههه تضيفى عليه معلقه لبن وتدهنى وش البسكوتات قبل دخولها الفرن وبعدين ترشى ذرات ملح خفيفه على الوش تسيبيه يرتاح 10 دقايق وتدخليه الفرن على الرف الاوسط حراره 180 او حسب فرنك لمده 12 دقيقه او لغايه لما تلاقيه بقى لونه دهبى ندخل على الصور وهى شارحه نفسها

















ده شكلها من تحت
طبعا انا كنت عامله مقدار كبير 3 كوب دقيق وتضاعفى انتى باه المقادير على حسب حاجتك اتمنى الوصفه تكون عجبتكم وتجربوها وكمان تقيموها اصل اللى مش هتقيم مش هتنجح معاها الوصفه هههههههههههه
خدى بالك يا فتوكه تقطعيه رقيق لانه بينفش وبيتخن اول ما يدخل الفرن عشان ميتحولش لقرص فاهمه ياللى عليكى القصد والنيه ههههههههههههههههههههههههههههههههه اهو قدامك طالع زى الفل لا سحر ولا شعوذه على راى الشيف حسن كمان فى حاجه لو حسيتى انه لسه طرى شويه بعد ما تخلصى وتطفى الفرن حطيه كله فى صينيه فى الفرن وهو مطفىىىىىىىىىى ياخد حرارته وهتلاقيه قرمشه مفيش كده ولازم تحفظيه فى علبه صفيح وتقفليها كويس
اهم حاجه اللى يدخل الموضوع بالله عليكم يدعيلى بالشفا اهم حاجه لانى تعبانه والستر فى الغربه
والى ان القاكم فى وصفه اخرى دمتم فى حفظ الله