الثلاثاء، 13 نوفمبر 2012

صينية قرع العسل الحلو


بسم الله الرحمن الرحيم


جايبالكم النهارده صينية قرع العسل الحلو بالباشاميل


انا باشتري القرع اللي لونه برتقالي غامق بيبقى احلى
و باسيبه بره في المطبخ كام يوم علشان يطرى و اعرف اقطعه
و احياناً بالاقيه جاهز مقطع في اطباق و ده طبعا احسن و اريح






صينية قرع العسل الحلو....بالصور


نقطع القرع مكعبات و نحطه في حلة على نار هادئة و شوية سكر عليه
ونسيبه ينزل ميته على أقل من راحته ...بس ما نسيبوش يتهري لازم يبقى
شوية مقرقش علشان ما يبقاش عجينة في الصينية ....وبعد ما يخلص و نطفي
نحطله شوية فانيليا...ما بنحطهاش في الأول لان طعمها بيبقى مُرّ



صينية قرع العسل الحلو....بالصور



بعد كده نحطه في مصفى يتصفى كويس



صينية قرع العسل الحلو....بالصور



ناخد اللي نزل من المصفى و نزودعليه حليب سائل أو شوية لبن بودرة و نعمل بيه الباشاميل الحلو
بالطريقة العادية سمن و دقيق و نحط عليهم الخليط اللبن و المية بتاعة القرع و بنحط فانيليا في الآخر
ماشي لحد كده ؟؟؟؟





صينية قرع العسل الحلو....بالصور


بجهز الصينية اللي هنعمل فيها و ندهنها شوية سمن و نحط شوية باشاميل




صينية قرع العسل الحلو....بالصور


بعد كده نحط نص كمية القرع

ونحط مكسرات عليهم




صينية قرع العسل الحلو....بالصور


ونكمل بقية القرع و نحط بقية الباشاميل على الوش

ونرش شوية سمن او زبدة و تدخل فرن تستوي


ولما تحمر من تحت و فوق نطفي و نسيبها تبرد وندخلها الثلاجه شوية
وبألف هنا و شفا



صينية قرع العسل الحلو....بالصور

ليست هناك تعليقات: