السلام عليكم ورحمة الله وبركاته
أهلا وسهلا ومرحبا في موضوعي المتواضع ...النهاردة هنعمل قرص اللحمة المفرومة ..قُرْص مش قُرَص
وطعمها جميل أوي ...
هنحتاج في الوصفة دي : ربع كيلو لحمة مفرومة عليها بصلتين مبشورين من غير مانصفي الماية وعليهم كمان ملح وفلفل وبهارات لحمة ورشة قرفة بسيييطة وربع ملعقة زنجبيل وفصين توم مفرومين وبشر طماطماية وربع كوب بقسماط ناعم ومعلقتين سمسم مش محمص
وهنحتاج كمان مثلثين جبنة أي نوع وبيضة واحدة
وهنحط كمان ربطة خضرة وهنقلبهم مع بعض كل المقادير دي
طريقة الطبخ :
هنحط مقلاة تيفال على نار عالية وفيها 3 ملاعق زيت أو 2 زيت وواحدة سمنة لحد ماتقدح نروح حاطين الخليط دا فيها وبسرعة نساوي سطح اللحمة بالمعلقة كويس :
نهدي النار شوية نخليه وسط كده ونستنى حوالي 3 دقايق أو لحد مانلاقي حروف القرص من فوق محمرة نجيب طبق مسطح أوسع من المقلاة ونحطه على وشها ونقلب بس ناخد بالنا عشان الصوص اللي نازل مايلسعكيش ونعود مرجعين القرص للمقلاة تاني على الوش التاني بس قبل كده نحط معلقة زيت تاني وبعد 3 دقايق على النار الوسط نهدي النار معه تغطية القرص ونستنى لحد مالصوص ينشف وبكده يكون استوى الحمد لله
وهيكون بإذن الله بالمنظر دا :
نكون مولعين فحمة نحطها عالقرص وعليها معلقة سمنة أو زبدة تديكي ريحة الشواء وبيبقى طعمها راااائع فوق الوصف ..
قدميها بقى جمب مكرونة أو رز أو حتى بطاطس محمرة وخبز وبألف هنا :
بصي بقى عن قرب ..ناعمة أوي وطعمها لذيييييذ ..وانت احكمي بنفسك
أهلا وسهلا ومرحبا في موضوعي المتواضع ...النهاردة هنعمل قرص اللحمة المفرومة ..قُرْص مش قُرَص
وطعمها جميل أوي ...
هنحتاج في الوصفة دي : ربع كيلو لحمة مفرومة عليها بصلتين مبشورين من غير مانصفي الماية وعليهم كمان ملح وفلفل وبهارات لحمة ورشة قرفة بسيييطة وربع ملعقة زنجبيل وفصين توم مفرومين وبشر طماطماية وربع كوب بقسماط ناعم ومعلقتين سمسم مش محمص
وهنحتاج كمان مثلثين جبنة أي نوع وبيضة واحدة
وهنحط كمان ربطة خضرة وهنقلبهم مع بعض كل المقادير دي
طريقة الطبخ :
هنحط مقلاة تيفال على نار عالية وفيها 3 ملاعق زيت أو 2 زيت وواحدة سمنة لحد ماتقدح نروح حاطين الخليط دا فيها وبسرعة نساوي سطح اللحمة بالمعلقة كويس :
نهدي النار شوية نخليه وسط كده ونستنى حوالي 3 دقايق أو لحد مانلاقي حروف القرص من فوق محمرة نجيب طبق مسطح أوسع من المقلاة ونحطه على وشها ونقلب بس ناخد بالنا عشان الصوص اللي نازل مايلسعكيش ونعود مرجعين القرص للمقلاة تاني على الوش التاني بس قبل كده نحط معلقة زيت تاني وبعد 3 دقايق على النار الوسط نهدي النار معه تغطية القرص ونستنى لحد مالصوص ينشف وبكده يكون استوى الحمد لله
وهيكون بإذن الله بالمنظر دا :
نكون مولعين فحمة نحطها عالقرص وعليها معلقة سمنة أو زبدة تديكي ريحة الشواء وبيبقى طعمها راااائع فوق الوصف ..
قدميها بقى جمب مكرونة أو رز أو حتى بطاطس محمرة وخبز وبألف هنا :
بصي بقى عن قرب ..ناعمة أوي وطعمها لذيييييذ ..وانت احكمي بنفسك
ليست هناك تعليقات:
إرسال تعليق