غسيل السجادة طريقة سهلة ومضمونة

هتجيبى 1- فرشة بلاط 2-طبق بلاستيك
3-داونى او كمفرت او فالفيتا
4-جنرال
5-كلور الواااااااااااااااان
6-عطر مركزاشتريته من الراجل بتاع المنظفات الى بيتحط عالصابون السايل ازازة ب3 جنيه وده اختيارى ممكن من غيره
تمام كده وبعدين هنعمل ايه
هنجيب الطبق البلاستيك ونحط فيه مقدار لترين ميه من الحنفيه ونحط عليه مقدار من الداونى بالغطا وبنفس الغطا نعاير مقدار كلور الالوان والجنرال ونحط نقطتين تلاته من العطر المركز ونقلبهم بأدينا وبعدين نبل الفرشه وندعك السجاده وهكذا حته حته كأنك بتغسليها بالظبط هيطلع فى الفرشه شعر كده من السجاده هتشليه وتكملى لحد ما تخلص هتبقى مبلوله ويه صغننين بعد ما تخلصى تفتحى الشبابيك والبلكونات او تثبتى عليها المروحه عشان تنشف وشمى بقى احلى ريحه هتقعد معاكى اياااااااااام وادى الصور
دى العده



ودى صورة السجاده قبل التنضيف

ودى لما عملت نصها باين حته نصها غامق ونصها فاتح اهى

ودى كان فاضل فيها حته صغيرة واخلصها


ودى بعد ما خلصت خالص

وكده من قريب



وبس كده خلصت ورجعت بتبرق كده من غير ما يطلع عينى فى غسيلها