شيش طاووق

انا النهارده عملت شيش طاووق على طريقتي الخاصه
اولا:جبت فرخه متوسطه وقطعتها صغير كده


وبعدين عملت التتبيله وهيه عباره عن :
بصل - وفلفل اسود - وملح - وخل ولو عايزنها سبايسي يبقى تحطوا شطه حمره



وبعدين حطيتهم في الخلاط وتبلت بيهم الفراخ وسبتها حوالي نص ساعه في التتبيله







وبعدين قطعت طماطم وبصل وفلفل حلقات



وبعدين جبت الاسياخ الخشب دي



وبقيت احط شريحة طماطم وبعدين قطعة دجاج وبعدين بصل وفلفل وهكذا





انا بقى كنت هشويها على الفحم بس كنا مستعجلين فقلت اعملها على صاجة الفرن
رصتها على الصاجه ودخلتها الفرن ووطيت النار شويه الاول وبعدين لما دخلت في السوى عليت النار
معلش الصوره مضلمه عشان الموبايل مافيهوش فلاش






وعلى بال ماتستوي عملت بطاطس وسلطة طحينه



وده شكل الفراخ بعد ماطلعت من الفرن




وده الشكل النهائي


وبالهنا والشفا

يارب الموضوع يعجبكوا 

منقول من فتكات