صباح الخير على القمرات الحلوين الي منورين قسم المكياج .
أحب أعرفكم بنفسي انا شيف دلوعة (لطيفة) ينزل مواضيع ووصفات في أقسام الطبخ لكن بصراحة التغير مطلوب ولسه شارية مكياج جديد فقلت أصوره وأضيف حجات جديدة من واقف خبرتي في المكياج
من أسبوع كدة اشتريت مكياج جديد ماركة makeup studio بصراحة الماركة دي جميلة ودي تالت مرة أشتري منتجاتهم . رائعة وفوق الوصف . هي ماركة ألماني ومافيش منها تقليد . وعيبها انها غالية شوية . لكن عموماً في المكياج دايما لازم نشتري الحاجة الغالية والoriginal علشان البشرة بتبقى حساسة والحجات التقليد غير مضمونة .حستعرض المكيجات الي اشترتها من ماركة makeup studio وكمان حوريكم الحجات التانية الي بستخدمها بشكل متكرر . مع الأسعار. والأحلى بقى عندنا هنا في الامارات انك بتتطلع المندوبة وبتيجي لحد عندك مع كل الشنط والمكياجات وبتجربلك على بشرتك وانتي تختار الي بيناسك .

بإسم الله نبدأ دي صورة مكياج makeup studio

حطيت كل حاجتي في شنطة وخدتها ورحت مكان رايق علشان أقدر أصور بمزاج علشان بعيد عنكم وعن السامعين ولاد أخوية كان موجودين.

هو ده شكل الشعار بتاع ماركة makeup studio وعموماً العلب بتاعتها لونها أسود .

اشتريت منهم نوعين ميك أب للوش . نوع بودرة مع كريم أساسي ونوع بودرة للنهار.

البيس

بما اني حشتري كريم أساسي وبودرت فححتاج لحاجة اسمها (البيس) والحاجة دي مهم جدا جدا جدا لحماية الوش من الكياج التقيل وغير كدة هو عبارة عن كريم طبعيي بيحمي وبيرطب الوش .
ده شكل علبة البيس بتاعتهم يا جماعة

وده شكل العبوة وسعرها

ده شكله لاحظوا عبارة عن كريم مرطب

وهنا لما وزعتة على ايدي بصو ازاي والحلو في الماركة دي انك بعد ما تحطي البس ممكن تحطي المكياج على طول لاني في أنوع مكياجات لازم تحطي البيس قبل المكياج على الاقل بنص ساعة .

خافي العيوب او ال(concealar)

اشتريت علبة خافي العيوب ده شكل العلبة والكرتونة بتاعتها

وده شكل العلبة شيك جداً

وهنا اسم المحتوى ورقم النوع وراء العلبة

ده شكل العلبة من جو . لازم ياجماعة في اي نوع خافي عيوب يكون موجود اللون الأورنج والأخضر الي بيستخدمة لإخفاء الهالات تحت العين. واللون البني لتصغير الأماكن الكبيرة في الوش . بعد كدة الألوان البيض بتكون على الأقل 3 درجات مختلفة

هنا الورقة لما شلتها مكتوب على كل حتى المحتوى سواء اللون أو الدرجة

وهنا من جوة ده شكل خافي العيوب وبصراحة تغطيتة جميلة جدا جدا ومش بيكلكع .

الصوره دي من غير فلاش . بصو الثلاث درجات بيج الي فوق . اللون الفاتح جدا جدا الي هو نمرة واحد لإبراز الاماكن في الوش والدرجة التانية والثالية بتتحط فوق الأخضر والأورنج حسب لون الوش.

كريم أساي وبودرة بيمشو مع بعض
اشتريت كريم أساسي وبودرة يمشو مع لوني . وزي ماقتلكم اني الحلو في المكياجات عموماً اني المندوب بتجي لحد عندك وبتجرب لك على وش فممكن بسهولة تنقي وتختاري الي انتي عيزاة بصراحة أنا لوني قمحي وبحب لوني جدا جدا جدا ومش بحب المكياج الي بيبقى أفتح مني فنقيت الأساس ده والبودرة دي بعد ماجربتهمل . والحلو بقى اني ما اتأخترش في الاختيار لاني المندوبة الي جتلي كان لونها قمحي زي لوني ومن أول نظرة عرفت أنا عايزة أية بالظبط ولأول مرة في التارخ ما أطولش في الاختيار

كريم الأساس

أولاحاجة الأساسي اخترت اللون الlight beige وخدو بالكم لازم يكون كريم الأساسي أغمق سنة صغننة من البودرة علشان في النهاية تدينا اللون الي احنا عايزينة وكل واحدة حسب اختيارها وحتلى بالنسبة للبنات الي لونهم أبيض.




وده شكل الكريم من جوة والعلبة كبيرة وتكفي كتير




ده شكلها من تحت اللون والدرجة




بودرة
ودي البودرة جبتها أفتح درجة من كريم الأساسي علشان تديني اللون القمحي الي هو نفس درجة لوني . ومعاها مراية




ومعاها سفنجة ناعمة وطرية جدا.





بودرة النهار

وجبت كمان نوع البودرة دة للنهارة مش بحط مكياج وأنا خارجة نهائي غير لو كان عندي معاد مهم او حاجة . ودي يابنات عبارة عن مزيج بين البودرة وكريم الأساسي وملمسها كريمي ناعم بنشف بسرعة وبيخلي البشرة طريقة زي ما تكوني حاطة كريم مرطب .اول ما تحطيه على الوش بيندمج معاه وبيدي للوش قوام جميل ومتناسق جداً ومهما أشكر فيها مش حوفيها حقها خالص لانها جميلة جداجدا جدا جدا جدا جدا واتصلت في المندوبة وهي جاية تجبلي واحدة كمان . لو تلاحظي مكتوب على العلبة مش بودرة لا light foundation ^_^





ده شكل العلبة من الناحية التانية




وهنا من وراء درجة اللون الي انا اخترتة وهو olive biege




بصو العلبة فخمة وجميلة ازاي وكبيرة ومدة حياتها او استخداماه سنتين زي ما مكتوب واء 24شهر





وبيجي معاها من تحت مراية وسفنجة ناعمة وجميلة وهي ده شكلها من تحت .





هنا جرتبها على إيدي لاحظوا ازايد قدام السهم الي انا حطاه . يادوب حيطت سنة صغننة ووزعتها جميل وبيغطي بطريقة حلوة جدا .





البودة الحرة loss powder

عارفة ياجماعة الممثلين والمطربية بتحسي انش وشهم مخملي كدة والمكياز زي ما يكون متناسق وموحد ده من البودرة الحرة دي . ليها أكتر من اسم منها البودرة الحرة أو البودرة النهائية أو بالانجلش loss powder. ودي بتستخدم في النهاية بعد ما تحطي الكريم الاساس والبودرة أو البودرة بتاعة النهار وترسمي العين وقبل البلاشر . بيدي لوك مخملي جميل جدا جدا .وده شكل العلبة من فوق





وهناشكلها من الجنب بصو كبيرة أزاي





وده شكل الورقة من تحت





وده شكل البورة من جوة





وهنا لما فتحت العلبة عبارة عن بلاستلك مقفول وفي النص في ثقوب لاني مش بنحتاج من البودرة كتير .




يادوبك نحرك العلبة وحتطلع البودرة من الثقوب دي وبنستخدمها بفرش كبيرة زي زي على سبيل المثال

كحل كريمي أو الcream eyeliner

ودي شكل الحكل الكريمي .أو الcream eyeliner وده جميل جدا جدا لرسم العيون سواء من غير شدو او مع شدو . وده شكل العلبة وهي مقفولة

وده شك العلبة من تحت وبتفضل فترة طويلة جدا جدا

واشتريت معاها الفرشة الرفيعة جدا بتاعتها

بس الفرشة ماركة بن ناي ونمرتها RS-1

وهنا شكل عينيا لما استخدمت الكحل الكريمي .

حكل الحواجب أو Prow powder

وده شكل بودرة الحكل واللون ده جميل جدا وده شكل العلبة وهي مقفولة

وده شكل العلبة من رواء

اللون ده جميل جدا جدا مش بني ولا أسود الي هو لون شعر الحواجب الطبيعي وجميل .

وهنا معاها فرشتها الخاصة بيها . وكمان الفرشة ماركة بن ناي

ده شكل الفرشة من قريب . الفرشة دي جميلة جدا جدا في رسم الحواجب وبتظبطهم جدا.

وهنا شكل اللون الطبييعي الي بتدي لما بنرسم بيها الحواجب بصو بيدي اللون العادي جدا على فكرة دي انا كمان

بلاشر وأي شدو

ومن نفس ماركة make up-studio عجبني لون البلاشر ده جدا دجدا جدا اتجننتعليه بصراحة . وهو اتنين في واحد .يعني شدو وبلاشر. وده شكل العلبة من فوق

وده شكل العلبة من تحت واخترت اللون الي اسمه sweet pike

يا خرابي على اللون الي مجنني ده

بصو من قريب

وهنا جربتة على إيدي

حبيب قلبي يا وردي