ازيكم يا احلى فتوكات
ندخل فى الموضوع - طبعا انتى اول ما بتشترى المكنسه بيكون قوة شفطها عاليه جدا ومع مرور الوقت تبدا تشفط اقل وكفاءتها بتقل
طبعا كلنا تقريبا بنغسل كيس المكنسه - لكن ممكن برضو الشفط يبقى مش قوى -
احب اقولكم جزء تانى جوا المكنسه ولااااازم يتغسل وبيفرق جدا فى قوة شفط المكنسه - نبدا بالصورر
1- طبعا ده المكان اللى بنفتح منه المكنسه
2-
بعد لما تفتحى المكنسه هتلاقى الكيس بتاعها اللى بيتجمع فيه التراب طبعا ده هتغسليه بالماء والصابون بعد ما تتخلصى من اللى فيه داخل كيس بلاستك عشان الدنيا متتمليش تراب
3- ورا الكيس ده هتلاقى جزء بلاستيكى زى الشباك كده ومتبطن بجزء اسفنجى زى الصورة كده
4- هترفعى الجزء اللى انا مشاورة عليه لفوووق هتلاقيه بيطلع معاكى بمنتهى السهوله
5 - هتفكى الجزء الاسفنجى اللى لازق فى الجزء البلاستيكى من ورا
وتغسليه بالميه والصابون السائل وتستنى لما ينشف
6- طبعا لما ينشف هترجعى تركبيه تانى مكانه وتحطى الشباك البلاستك فى المكنسه تانى مكانه من اعلى لتحت
وشوفى الفرق فى قوة الشفط وقولى لى
ملحوظه - هناك بعض انواع المكانس مفهاش الجزء البلاستيكى اللى شبه الشباك ده وفيه الاسفنجه فقط طبعا هتغسلى السفنجه وتحطيها مكانها
ملحوظه هامه لازم تستنى السفنجه تنشف لانها بتوصل الهوا للموتور وطبعا لو هى مبللوله الموتور هيوصله ميه وممكن يتحرق
واللى يجرب يقولى عمل ايه وانا تحت امركم
لا اله الا الله
الطريقة الثانية..
جايبه لكم طريقه تانى بتزود من كفاءه المكنسه
نبدا بالصور الخطوة التانيه
طبعا بعد ما ما غسلتى كيس المكنسه والجزء الاسفنجى اللى وريتهولك امبارح
هتيجى عند ذيل المكنسه هتلاقى مكان غالبا لونه بيكون فضى او مختلف لونه عن بقيه المكنسه
زى الصورة تمام
هنفتح الجزء ده بالشد لاسفل مش لاعلى بكرر لاسفل يعنى تمسكى الجزء اللى انا مشاوره عليه وتنزلى بيه لتحت هيتفتح معاكى بسهولة
بعد ما تفتحى الجزء ده هتلاقى جوا المكنسه جزء بلاستك مستطيل زى الصورة ما بتوضح
هتشدى الجزء ده لاعلى هتلاقيه مليان تراب
هتغسليه وتنشفيه كويس جدا لانه على صله بالموتور
وترجعى تركبيه تانى واقفلى المكنسه وشوفى النتيجه
يبقى كده 3 خطوات لتنضيف المكنسه 1- غسل الكيس وتنشيفه
2- غسل الجزء البلاستيكى اللى لازق فيه قطعه الاسفنج وطبعا غسل الاسفنجه نفسهاوتنشيفها
3- غسل الجزء المستطيل اللى فى مؤخره المكنسه وتنشيفها
اعملوها وادعولى ربنا يشفينى
لا اله الا الله
منقول من فتكات
ليست هناك تعليقات:
إرسال تعليق