عندك مكرونه بصلصه بايته اوعى ترميها

زي العنوان كده....لو عاندك مكرونه بصلصه بايته عانك في التلاجه بقالها يومين تلاته كده

اوعي ترميها...و برضو بلاش تاكليها و هي بايته

شوفي الطريقه دي في عمايل المكرونه صنيه في الفرن

اول حاجه نجيب المكرونه و نخرطها بمخرطه الملوخيه لحد ما تبقي فتافيت صغيره...

انا هنا كان عندي "اسباجتي" و خرطها بالشكل ده....





و جبت كمان "طمماطم +فلفل رومي + بصله صغيره + بقدونس + زتون اسود و اخضر بس انا ماحطتش علشان ما عنديش " و نقطعم حجم متوسط زي الصوره




و بعدين نجيب طبق غويط...و نحط فيه 3 او 4 بيضات حسب كميه المكرونه و نخفقهم كويس جدا

و نحط عليهم "ملح + فلفل اسود + معلقه دقيق + ربع كبايه لبن " ونقلبهم كويس مع "البيض"

و ده شكلها






و بعدين نجيب طبق غويط و نحط فيه كل الاطباق اللي احنا جهزناها

"الخضار و المكرونه و البيض "

زي الصوره دي






و بعدين نجيب صنيه مدهونه زيت..

او صنيه فخار....او بايركس زي ما تحبي

و نصب فيها الخليط ...و نرش علي وشه جبنه رومي زي الصوره دي





و نحطها في الفرن من 20 ل 30 دقيقه

لحد ماتلاقيها جمدت و الجبنه ساحت

و ادي صورتها و هي طالعه من الفرن






و دي بقي لما قطعتها



جميله قوي و مغذيه

و تنفع عشي و فطار

و كمان في الرحلات روعه

و ممكن كمان تقطعي فيها حتت فراخ" مستوي" او سوسيس... هاتبقي حلوه جدا