نصائح لكل ام لغذاء طفلها فى الشهور الاولى

-نبدا الاكل للطفل بسيرلاك ارز او سيريلاك قمح او تفاح بيوريه(مسلوق ومضروب في الخلاط) او موز مهروس او شوربه خضار(جزر وبطاطس وكوسه)مع مراعاه ان الجزر والبطاطس يسبب امساك اما الكوسه ملينه وطبعا اغلب الاطباء بيقولوا الاكل من السادس بس مدحت الزيات بيقول الاكل من الرابع علشان ذاكره الطفل بتتشكل من الشهر الرابع فيتعلم يعني ايه معلقه.
2-يؤجل الزبادي لبعد الشهر السادس وده كلام دكتور محمد رفعت ومدحت الزيات.
3-حذر الزيات من ادخال سيريلاك الشيكولاته او المانجو للاطفال في سن مبكره خصوصا اول 6 شهور.
4-بالنسبه للعصائر الملينه تتضمن التالي عصير البرتقال والعنب وعصير الطماطم والكنتالوب.
5-عند تقديم عصير الجوافه للطفل يتم نزع قشر الثمره من الخارج وده في الشهور الاولي.
6-كلما كبر الطفل بتقل المده اللي بيرضع فيها علشان عضلات الفم اصبحت اقوي وبالتالي ازدادت عنده قوم المص فبيخلص الرضاعه في مده اقصر.
7-ينبغي ادخال اطعمه تحتوي علي الحديد اللي موجود في عده مصادر (كبده الطيور والموز والتفاح والخرشوف والرمان).
8-بالنسبه لكثره تناول الاطفال السكريات(8 معالق سكر كبيره)كفيله بتقليل مناعه الطفل بنسبه 80%.
9-في الفتره ما بين سنه وسنه ونص يكون الطفل ليس لديه وقت للاكل مشغول باكتشاف ما حوله ولذا المفروض نعمله 5 وجبات وتكون كمياتها مش كبيره وعشان اليوم يقضيه ويسلعده انه ياكل لازم الطفل ينام بدري عشان يصحا بدري ويكون فيه وقت كاف امام الام انها تاكله وبذلك تتحقق نظم التغذيه.
10-في الفتره ما بين 4 شهور-6شهور يتم عمل السيرلاك بالماء اما ابتداءا من 6 شهور يتم عمله بعصير التفاح او بعصير البرتقال او بلبن المتابعه لو الطفل بيرضع صناعي.