السبت، 6 أبريل 2013

حضرى اكلك كله فى يوم واحد عشان ترتاحى باقى الايام


انا ديما لما بجيب خضار

بغسله كويس و اطبخهم نص طبخة و اشيلهم فى الفريزر فعند الطبخ بيكون الموضوع اسهل و اسرع

اما لو فراخ او سمك

لازم انضفهم كويس اوى و اتبلهم و اشيلهم فى الفريزر بحيث يكونوا جاهزين للطبخ على طول

طيب

نبدا الاول بالخضار

بسم الله الرحمن الرحيم

البقدونس 
انا بشيله فى التلاجة و بيفضل اخضر و طازة اكتر من اسبوعين
بجيبه الاول اخضر و طازة و حلو انضفه و اغسله كويس
و افرده على فوطة ينشف كويس اوى
و بعدين باقطف الورق لان هنا الاعواد بتكون تخينة اوى
اما انتى بقى ممكن تقطعيهم
و تسيبيهم ينشفوا تانى و بعدين تحطيهم فى علبة ناشفة و يكون غطاها بيقفل كويس
و دة طبعا ينفع مع اى خضار
الكسبرة او الشبت او الجرجير

دة البقدونس اول ما حطيته

اتعبى يوم و ارتاحى بقيت الايام

و دة بعد حوالى 20 يوم

اتعبى يوم و ارتاحى بقيت الايام

خلطة المحشى 

برده بنقى الشبت و الكسبرة و البقدونس
و لما ينشفوا بقطعهم و بضرب البصل مع الطماطم مع الملح و الفلفل الاسمر فى الخلاط
و بعدين اخلطهم على بعض
و احطهم فى الفريزر

اتعبى يوم و ارتاحى بقيت الايام

و عند الطبخ بضيف معلقة صلصة و شوية زيت و الرز المغسول و خلاص
احشى المحشى

عصير الطماطم
برده لما بلاقى فى طماطم طريت
بضربها فى الخلاط و احطها فى الفريزر و وقت لما احتاجها
اطلعها استعملها على طول
بس دى نسيت اصورها معلش

القلقاس

بقشره و اقطعه و بشيله فى الفريزر على طول

اتعبى يوم و ارتاحى بقيت الايام

و الخضرة بتاعته
بخرطها بالمخرطة و بدق التوم فى الهون
و بعدين احطلهم شوية ميه صغيرين و اقلبهم على بعض
و اشيلهم فى الفريزر

اتعبى يوم و ارتاحى بقيت الايام

و ساعات كمان باخد من الخضرة دى للملوخية بتخلى طعمها حلو اوى

و بعدين لما باجى اسويه
بجيب القلقاس من الفريزر على الشوربة المغلية على طول و بعصر عليها ليمونة و الملح و الفلفل الاسمر
و بحمر الخضرة و اضيفها على القلقاس لما يستوى

و دة القلقاس بعد ما استوا

اتعبى يوم و ارتاحى بقيت الايام

السبانخ

طبعا بنضفها و اغسلها هى و الكسبرة الخضرة
و اشوح البصلة فى حتة سمنة و بعدين اضيف السبانخ و الكسبرة المتقطعين و الملح و الفلفل
و لما تتشوح كويس اوى و تشرب ميتها
اضيف عصير الطماطم
و لما الطماطم تتسبك
استنى لما تبرد
و احطها فى الفريزر

اتعبى يوم و ارتاحى بقيت الايام

و لما اجى اسويها بجيبها من الفريزر على النار على طول
و لما تغلى اضيف معلقة صلصة و الشوربة المغلية

اتعبى يوم و ارتاحى بقيت الايام


الفاصوليا


بغسلها و اقطعها
و ممكن بشيلها فى الفريزر كدة على طول

اتعبى يوم و ارتاحى بقيت الايام

او
بشوح البصلة و بعدين اضيف الفاصوليا المقطعة مع الملح و الفلفل
و لما تشرب ميتها و تبرد بحطها فى الفريزر

اتعبى يوم و ارتاحى بقيت الايام

و عند الطبخ بطلعها من الفريزر على النار على طول
و بعدين لما تغلى اضيف عصير الطماطم و لما تتسبك اضيف معلقة صلصة و الشوربة

اتعبى يوم و ارتاحى بقيت الايام

كفتة الرز

بضرب الكسبرة الخضرة و الشبت و البصلة و فصين توم و الملح و الفلفل الاسمر و شعرة كربوناتو و الرز و اللحمة المفرومة فى الكبة
و بعدين اصبعها و احمرها فى الزيت
و لما تبرد بشيلها فى الفريزر

اتعبى يوم و ارتاحى بقيت الايام

و بحضر الصلصة
احمر فص توم فى الزيت و بعدين اضيف عصير الطماطم و الملح و الفلفل الاسمر
و لما تتسبك و تبرد بشيلها فى الفريزر

اتعبى يوم و ارتاحى بقيت الايام

و عند التسوية بضيف للصلصة معلقة صلصة و الميه و لما تغلى بضيف الكفتة

اتعبى يوم و ارتاحى بقيت الايام


السمك

بعد ما بنضفه و انقعه فى الميه بالخل
بجهزله التتبيله
توم وفلفل اخضر وملح و كمون و كارى و عصير ليمون
و اتبله كويس
و اشيله فى الفريزر

اتعبى يوم و ارتاحى بقيت الايام

الجمبرى 

بنضفه و اشيل كيس الرمل اللى فى الضهر
و انقعه فى الميه و الخل
و اتبله بنفس تتبيله السمك
و اشيله فى الفريزر

اتعبى يوم و ارتاحى بقيت الايام

الفراخ

بغسلها و انقعها فى ميه و خل
و اتبلها باى تتبيله و اشيلها فى الفريزر

اتعبى يوم و ارتاحى بقيت الايام

حتى الفراخ اللى هاعملها فى صينيه البطاطس
بحطها مع الطماطم و البصل اللى مضروبين فى الخلاط مع الملح و الفلفل برده فى الفريزر

اتعبى يوم و ارتاحى بقيت الايام

البوفتيك او الفراخ البانية 

بشيلهم بالتتبيلة برده فى الفريزر

اتعبى يوم و ارتاحى بقيت الايام

يا رب يكون الموضوع مفيد و يكون عجبكم

ليست هناك تعليقات: