الثلاثاء، 23 أبريل، 2013

اخطاء فظيعة فى الديكور

السلام عليكم
بصوا يابنات
انا عملت الموضوع ده لانى لقيت بنات بتنزل صور بيتها وفيه غلطات كتير

طبعا انا مش مهندسة ديكور والا ابلة فهيمة
ههههههه
بس والله حبيت بس انصح اى بنوتة بتجهز واى واحدة بتجدد بيتها
وقبل ما اكتب بأكد اهو مفيش ولاصورة من بيوت البنات هنا ابدا
كلها صور من على النت
وانا هدفى هو النصيحة والله اتمنى محدش يزعل منى

وياريت البنات كلها تشارك

الله يخليكم بلاش الورد وفروع الشجر اللى متعلقة على الحيطة
وعلى المطبخ
وعلى النيش فى السفرة اه والله

وفى الحمام بلاقى فازة وفيها ورد
كمان فى الحمام

شوفوا الفكرة دى فى الحمام ارق واحلى




وبلاش الاستيكرات اللى فى كل حتة فى الشقة
يعنى عايزة تحطى استيكرر كفاية حيطة واحدة بس وماتكتريش

لكن بشوف بنات ماليين الحيطان كلها
وخصوصا اوضة الاطفال
شفت بنوتة اوضة الاطفال عندها الحيطة مش باينة من الاستيكرات
والطرقة وباب الاوضة ملانة استيكرات كأنها كراسة رسم لطفل

وكلها استيكرات ملخبطة يعنى سبونج بوب على ميكى ماوس على سندريلا

مفيش تناسق خالص
مش استيكرات حتى شكل واحد

شوفوا الصورة دى



شوفوا الاستيكر رقيق ازاى ومعمول بشياكة





وده غرفة الاطفال





والتلاجة بقى
بلاقى ناس عاملينها صفحة تلوين
ولو واحدة بتعمل اشغال يدوية
بلاقيها حاطة عليها لولى وخرز

شوفوا المنظر ده ينرفز على فكرة ده من النت بردوا مش من هنا



الدباديب بقى




مكانها اوضة الاطفال مش الليفنج ولا اوضة النوم

وبعدين اصلا الدباديب موضتها قدمت اوى

واللى بيجيب بيجيب واحد كبير ويحطه على الارض فى اوضة الاطفال


والتسريحة بقى

بصوا علب المكياج الكبيرة دى بطلت خلاص


يعنى هاتى مكانها كام حاجة غالية وانضف حتى لو حاجات قليلة

وكمان بلاش تحطيهم على التسريحة بيتحطوا جوه الدرج افضل

ودى صورة من النت مش من المنتدى هنا


شوفوا الفرق



شوفوا الشكل رقيق ازاى

والحاجة جوه الدرج بشياكة وترتيب




الفرش المودرن بقى

ماينفعش افرش ليفنج مودرن واحط جنبه سفرة استيل
او صالون

او اعمل ليفنج مودرن وعليه ستارة بفارنتون دهبى
ولابراقع فوق بعض البراقع والفرانتون مع الصالون والفرش الاستيل بس

يعنى كل حاجة تبقى ماشية مع بعض
ياكله مودرن يا كله استيل
والدهبى بيبقى حلو مع الاستيل والفضى حلو مع المودرن

كمان مايتفعش احط مفرش على سفرة مودرن
والا احط مفرش مطرز على انتريه مودرن


والنيش لو مودرن الله يخليكم
بلاش مفارش دهبى فيه
وحطى فى النيش الحاجات القيمة بس
بلاش نملاه كاسات فى كاسات وتحسيه هيفرقع من الحاجاة اللى فيه
وكلها مش قيمة
بتمن كل الحاجات دى جيبى 4 او 5 كاسات قيمة وبس


كمان العرايس الصغيرة اللى كانت بتتحط فى النيش دى بطلت خلاص





العرايس دي كمان بطلت خالص لا تحطيها لا فى سفرة ولا فى صالون ولا فى اوضة نوم








ماتحطيش بقى اى عروسة جت لك فى سبوع حد والا حاجة



لو عايزة تزيني النيش يبقى هاتى كرستيلات صغيرة


وبلاش بلاش المفارش البلاستيك

خصوصا فى النيش

بلاش مفارش بلاستيك اصلا
والمطبخ كمان ماتحطيش فيه مفارش




المطبخ بقى
الله يخليكم الحلل مكانها مش فوق المطبخ
لا مكانها جوه درف المطيخ

تلاقى الحلل مرصصة مرصصة فوق تقفيلة المطبخ عاملة زى المحل

والرخامة ملانة حاجات بالهبل

ليه كل ده

مش لازم نقول للناس احنا عندنا حاجات كتير




كمان التابلوه الدهبى اللى فيه قران كريم

خلاص بطل معدتش حد يشتريه بقى ولا يحطه

ده غير ان القران مش للزينة وحرام تعليقه


دلوقتى فى تابلوهات مودرن روعة



ولما تيجي تعلقى التابلوه الله يخليكي بلاش تشعلقيه فى السقف
لا التابلوه لازم يبقى فى مستوى النظر
عشان تبقى مريحة للى بيشوفها


تناسق الالوان بقى



الله يخليكم
بلاش اخضر على احمر على ازرق


شوفوا تناسق الالوان هنا



شوفوا البساطة هنا


حاجة كمان المفارش مكانها مش على الكنب ولا كراسى السفرة

الحاجت دى ايام مامتى ومامتك

جددى بيتك وخليكي مناسبة للموضة

ليست هناك تعليقات:

Related Posts Plugin for WordPress, Blogger...