الأربعاء، 17 أبريل 2013

بالصور بيتي نضيف ومميز

يالا بينا نبدأ و أتمني لكم مشاهــــــــدة طيبـــــــــــة
و الأستفـــــــــــــادة

1. تنظيف البوتاجــــــــــــاز

بالصور بيتي في الغربة مميز جدآ و شيك ,, حصري مع شيماء النجار

أسرع و أسهل للتنظيف اليومي للبوتاجاز هــــــــو
الــWipes بجد أنا بأعشق الأختراع اللي اسمه المنــــاديل المبــــللة

بالصور بيتي في الغربة مميز جدآ و شيك ,, حصري مع شيماء النجار

بتنطف بطريقة رهيبة أي بقعة علي السجاد أو علي الملابس أو بعض الكهربائية – زي الشاندوتش ميكر –
انا حاطة فويل علي البوتاجــــاز و في آخر اليوم بعد الطبخ و القلي بأمسح الفويل كله بالمنديل
تخيلوا ان الفويل ده بقالـــــــه
أسبـــــوعين ايوه أسبوعيـــــــــــن و لسه شكله حلو و نطيف
و كل شهر بأغير الفويل كله

------------------------------

2. مكعبات الكــــــركــــــديه

بالصور بيتي في الغربة مميز جدآ و شيك ,, حصري مع شيماء النجار

بأغلي الكركديه أو اسيبه في المية لتاني يوم و بعدين أصفيه و أحطه في علبة مكعبات التلج و لما بأحب اشربه اطلع المكعب مع شوية سكر
و اشرب بكل سهولة و من غير تعب

--------------------------------

3. الأستيـــــــــــكرات

بالصور بيتي في الغربة مميز جدآ و شيك ,, حصري مع شيماء النجار

بجد جميلة جدآآآآ و بتدي منظر شيك و مختلف للحائط
انا موزعة كذا استيكر علي حيط غرفة أطفالي – يارب يبارك فيهم و يحفظهم و يهديهم – قولوا أمين يارب

--------------------------------

4. الأحــــــــــــذية

بالصور بيتي في الغربة مميز جدآ و شيك ,, حصري مع شيماء النجار

انا الحمد لله ديما بألمع شوزات جوزي و بأشيلها نطيفة
طيب ازاي ؟؟؟؟؟؟؟
بعد ما ألمع الشوز بأجيب ورق نايلون زي كده و اغلف بيه الشوز و اشيله نطيف في الجزامة بحيث لو أحتاجه يكون ديما نطيف و متلمع
ياااااااااااااااه تخيلي بقي لما جوزكِ يشوف كده طبعا هيكون فرحان بنفسه و بمراته المميزة جدآآآ

----------------------------

5. الورنيش و الأثاث

أختراع ياكوتش بصوا انا غرفة نومي لونها بني و مع الأستخدام ممكن تتجرح أو تتقشر بعض الأجزاء منها قمت عملت ياأوشــــــــــا جبت الورنيش البني و دهنت الأجزاء المتقشرة
شكلها تحفة تحفة تحفة تحفة

----------------------------------

6. الكــــــــــــلور و أدوات المطبخ

انتم ممكن تلاقوا عندي 3 علب كلور مرة وحدة مدمنة الكلور و علي فكرة زي ما ذكرت في موضوعي السابق اني لما بأستخدم الكلور لأي غرض لازم أكون لابسة الجوانتي لازم لازم لازم لأنه مش بيبوظ الأيد ده بيحرق الجلد و كمان بألبس كمامة عشان ريحته ماتأثرش علي الجهاز التنفسي – علي فكرة انا جوزي طبيب بيطري عشان كده متأثر بيه جدآآآ و هو اللي خالاني ألبس الكمامة و الجوانتي –
المهم كل ما البلانشة أو مقشرة البطاطس تسود او يتغيرلونها بالكلور المخفف ارشه عليها و اسيبه شوية و بعدين اغسليهم كوبيس جدآآآآآآآآآآآ و شوفي البياض و التعقيم خصوصا للبلانشة الخاصة باللحوم لأنها بتكون بيئة مناسبة لنمو البكتريا

بالصور بيتي في الغربة مميز جدآ و شيك ,, حصري مع شيماء النجار

بالصور بيتي في الغربة مميز جدآ و شيك ,, حصري مع شيماء النجار

بالصور بيتي في الغربة مميز جدآ و شيك ,, حصري مع شيماء النجار

و اللي ده بينطبق علي أي حاجة في المطبخ و خصوصا حافة السكين لأنها ديما بتتسخ و ممكن ماناخدتش بالنا منها

-------------------------

7. معطــــــــري المفضل

بالصور بيتي في الغربة مميز جدآ و شيك ,, حصري مع شيماء النجار

انا من عشاق الروايح الحلوة لكن للأسف ابوالشباب – متأثرة باللهجة الأمارتية و الشباب الصغيرين عندهم حساسية من البخور أو معطرات الجو الأسبراي
و في نفس الوقت انا عايزة ريحة حلوة في بيتي قريت كتير علي النت لحد ما توصلت لــــRenuzit
روعــــــــــــة روعــــــــــــة ريحته حلوة و قوية و أعتقد انه موجود في مصر و كمان بتقفليه و تفتحيه براحتك و بيقعد معاكِ كتير جدآآآآآ
انا جبته من كافور و تمنه 5 دراهم رخيص جدآآ
جابية واحد و حاطه في المطبخ – طبعا مش انا اللي بأقف فيه و واحد في الحمام –

----------------------------------

8. فـــــــــــوطــــة التنظيف

بالصور بيتي في الغربة مميز جدآ و شيك ,, حصري مع شيماء النجار

بصوا انا ساعات زمان لما بأشوف فوطة التنظيف زي اللي موجودة في الصورة كنت أقول بلاش تبذير و أستغل أي قطعة قماش – و خصوصا فانلة جوزي – و أنطف بيها و اقول هتفرق ايه عن الفوطة الجاهزة
المهم مرة كنت في كافور و كان عامل عروض علي المنظفات و منها الفوطة ديه قولت خلاص اشتريتها و أجرب
ياااااااااااااااااااه ياااااااااااااااااااااه بجد الجهل وحش
و مش كل حاجة عايزة النصاحة
روعة في التنظيف مهما قولت مش هتصدقوا جميلة جدآآآآ و خصوصا لو عفشكِ فيه زخارف كتير بتوصل لكل الزخارف و التفاصيل و كمان بتحمي ايديكِ من التراب والجفاف و التشقق
اوعوا ترددوا تشتريوها

-----------------------------------

9. باسكت الزبالة و البخور

بالصور بيتي في الغربة مميز جدآ و شيك ,, حصري مع شيماء النجار

احلى ابتسامة مستغربين بصوا انا عالمة ايه حاطة قطعة بخــــــور في باسكت الزبالة و كل ما أفتحها ارمي حاجة اشم ريحة البخور

بالصور بيتي في الغربة مميز جدآ و شيك ,, حصري مع شيماء النجار

بصوا يافتوكات الناس الوحشة اللي مش بتقيم مع انها تفضل موجودة في الموضوع بالساعات انا كان ممكن أعمل موضوع بكل نقطة لكن انا حبيت ان يكون الموضوع الأول و الموضوع ده زي مرجع فيه معظم افكاري اللي بأطبقها فالمطلوب التقييم و الرد علي الأقل تقديرا للمجهود في الكتابة و التصوير و رفع الصور و تنسيق الموضوع بالشكل الشيق الممتع للقراءة

عايزة أقولكم كلمة ممكن تخطر في بالكم و هي
اني بأهتم بكل التفاصيل و بنطافة الشقة و بأحاول أغير و أجدد فيها مع أنها
شقــــــــــــــة الغــــــــــــــربة
بصوا ياقمرات و خصوصا المغتربات لأنهم هيفهموا كلامي أكتر
شقة الغربة ديه بتقضي فيها معظم عمركِ و بصراحة و من غير زعل انا دخلت شقق هنا أقل ما يقال عنها أنها زبـــــــــــالــــــــــة و معفنة
لا عفش و لا نطافة و حشرات و روايح كريهة و ليه كل ده
اصل ديه مش بلدنا و ديه مش شقتنا
لأ Stop خليكِ صريحة مع نفسكِ شقة مصر بتنزلي فيها شهر و Max. شهرين و كل عمرك هنا
بلاش تبخلي علي نفسك و لا علي جوزك و لا عيالك
كفاية علينا الغربة و الوحدة اللي أحنا فيها
أهتموا بشقة الغربة أهتموا تغيروا و تجددوا فيها أهتموا تشتريوا عفش أدمي مش السرير شكل و الدولاب شكل تاني و طبعا مافيش تسريحة
بلاش تظلموا نفسكم
قال تعالى: وَأَمَّا بِنِعْمَةِ رَبِّكَ فَحَدِّثْ
تعرفوا ده بيفكرني بردو بالنيش تلاقي فيه أغلي و أحلي أطقم صيني بس للزينة نخاف طلعه نأكل فيه أصل يتكسر و يفضل طول عمره في االنيش المستفيد الوحيد منه هو التراب
قوموا النهاردة طلعوا الأطقم اللي في النيش جربي تأكلي فيها انتي و جوزك علي الأقل من باب التغيير و تحليل الفلوس اللي اتدفعت فيه

تحياتي و الي اللقاء في موضوع عن ............
ترتيب الشنط و الأكسسوارات و الأحذية بجد هيكون مفيد و فيه أفكار جديدة
ادعولي بالهداية و الصلاح و يارب يهون عليا غربتي 


منقول

هناك تعليق واحد:

غير معرف يقول...

ما شاء االله تسلم ايدك ع الموضوع