النهاردة هانعمل مع بعض البسطرمة البيتى واتمنى تعجبكم وتوفر معاكم
بداية انا مش باشترى لحمة مخصوص اعملها بسطرمة لاء انا كل ما اجيب لحمة للبيت اخد منها حتة واعملها حوالى ربع كيلو وبكدة بيكون عندى بسطرمة على طول ومن غير ما اعملها ميزانية
تعالوا نشوف الصور
هنا قطعة اللحمة ولازم تكون حمرا مش فيها دهون زى كدة
وبعدين نعمل فيها شقوق بالسكينة كدة ونحط فيها ملح بس مش كتير
ونحطها فى مصفاة وتحتها طبق عشان هانبيتها لتانى يوم فى التلاجة تنزل كل ميتها
وده شكلها تانى يوم بعد نشفت ونزلت كل الميه
ودلوقتى هانحضر الخلطة اللى هانغلفها بيها
وهيه توم ناعم وحلبة مطحونة وبابريكا او فلفل قرنقوطى عشان اللون وطبعا احنا حطينا فى اللحمة ملح فهانزود شوية صغيرين جدا عشان متملحش مننا
هانخلطهم فى طبق ونزود عليهم فلفل اسود
ونعجنهم بالميه يبقوا عجينة متماسكة عشان نغطى بيهم اللحمة
وبعدين نلفها فى شاشة او مفرش زى كدة
عشان نعلقها فى الهوا وممكن متتغطاش
بس عشان لو ذبابة ولا حاجة متقفش عليها
وبعد 4 او 5 ايام نفتح عليها وهاتكون استوت ولما الشتا يدخل نخليها حوالى اسبوع
ونقطعها شرايح رفيعة كدة
ومقولكوش على الريحة
ونغطيها فى التلاجة كدة عشان متسودش
وتعملى منها احلى فطار بالبيض ليكى ولسندوتشات الولاد
والف هنا واتمنى تجربوها وتعجبكم
وجزاكم الله خيرا
بداية انا مش باشترى لحمة مخصوص اعملها بسطرمة لاء انا كل ما اجيب لحمة للبيت اخد منها حتة واعملها حوالى ربع كيلو وبكدة بيكون عندى بسطرمة على طول ومن غير ما اعملها ميزانية
تعالوا نشوف الصور
هنا قطعة اللحمة ولازم تكون حمرا مش فيها دهون زى كدة
وبعدين نعمل فيها شقوق بالسكينة كدة ونحط فيها ملح بس مش كتير
ونحطها فى مصفاة وتحتها طبق عشان هانبيتها لتانى يوم فى التلاجة تنزل كل ميتها
وده شكلها تانى يوم بعد نشفت ونزلت كل الميه
ودلوقتى هانحضر الخلطة اللى هانغلفها بيها
وهيه توم ناعم وحلبة مطحونة وبابريكا او فلفل قرنقوطى عشان اللون وطبعا احنا حطينا فى اللحمة ملح فهانزود شوية صغيرين جدا عشان متملحش مننا
هانخلطهم فى طبق ونزود عليهم فلفل اسود
ونعجنهم بالميه يبقوا عجينة متماسكة عشان نغطى بيهم اللحمة
وبعدين نلفها فى شاشة او مفرش زى كدة
عشان نعلقها فى الهوا وممكن متتغطاش
بس عشان لو ذبابة ولا حاجة متقفش عليها
وبعد 4 او 5 ايام نفتح عليها وهاتكون استوت ولما الشتا يدخل نخليها حوالى اسبوع
ونقطعها شرايح رفيعة كدة
ومقولكوش على الريحة
ونغطيها فى التلاجة كدة عشان متسودش
وتعملى منها احلى فطار بالبيض ليكى ولسندوتشات الولاد
والف هنا واتمنى تجربوها وتعجبكم
وجزاكم الله خيرا
ليست هناك تعليقات:
إرسال تعليق