الأحد، 3 فبراير 2013

فراخ روول محشيه بالرز من مطبخى


السلام عليكم ورحمه الله وبركاته

الفراخ دى اول مره اعملها بس بجد طلعت تجنن انا جبت البانيه وروحت متبلاه بميه بصل مع التوابل(ملح وفلفل اسمر وكسبره ناشفه وزعتر ناشف ومعلقه كارى وحبهان مطحون بيبقا طعمه بيفرق اوى مع الفراخ )

بضرب ده كلو فى الخلاط مع خل وفلفل اخضر وتوم فصين بس مش اكتر وانزل بيه على البانيه واسيبه نص ساعه عشان يتشرب التتبيله

ولو اتحط فى التلاجه يبقا احسن وفى الوقت ده اجهز الرز الكيلو بانيه بياخد كوبايه رز ولو فاض بانيه ممكن تبقى تعمليه

شاورما بحط الرز مع معلقه سمنه على النار واقلبو تقلبتين واحط عليه شويه حبهان مطحونين وفلفل اسمر وانزل عليه بالمرقه

وهدى عليه النار لحد مايتشرب ميته بس ياريت مش يتسقى كانك بتعملى رز خليه نص سوا عشان لسه هيكمل سواه مع الفراخ

بعد كده تسبيبه يهدا وتجيبى ورق المونيوم وتقطعى كل واحده مربع على قد الروول اللى هتعمليه وتفردى كل واحده بانيه

وتحطى حبه رز صغيره مش كتير عشان تعرفى تلفيه وتلفيها وتقفلى بسرعه بورق الالمونيوم ولو لقيتى فى باينه صغيره ومش هتعرفى تلفيها حطى اتنين جنب بعض وبعد كده تكونى مجهزه ميه مغليه وحاطه

فيها برضو حبهان وورق لورا وملح واول ما تخلصى لف الروول تحطيه فى الميه لمده تلت ساعه وتطلعيه وتسيبيه يهدا وتشيلى من

عليه الورق وتخليه لما يهدا عشان يمسك اكتر على ماتقليه وتكونى مجهزه بيض وعليه لبن يعنى الكميه دى تحطى عليها بيضتين

وكوبايه لبن وملح وفلفل اسمر وتحطى الروول في خليط البيض وبعدين فى الدقيق ويكون عليه معلقه نشا والبقسماط اخر

حاجه للتغليف وتقليه فى زيت سخن وياريت يكون فى طاسه غويطه عشان مش يتحرق منكم وياخد كله لون واحد


ده صورته وبعد ماسلقته فراخ روول محشيه بالرز من مطبخى***



وده صورته بعد ما قليته شايفين لونه حلو ازاى

فراخ روول محشيه بالرز من مطبخى***

ودى واحده فتحتها عشان اوريهالكم من جوه وهيا محشيه رز


فراخ روول محشيه بالرز من مطبخى***


عاوزه بقا التقييم ينزل زى المطر بس مش اوى لا المنتدى يغرقباضحك عشان كل اما اعمل حاجه جديده انزلها ليكم

ليست هناك تعليقات: