الجمعة، 11 مايو 2012
السبت، 5 مايو 2012
أومليت شبه البيتزا
المقادير اللى عملتها
2 بطاطس _ 2 بيضه _ملح _فلفل_كمون _جبنه موتزريلا _شوية بقدونس
بس انا دايما بكون مخزنه فى الفريزر كيس فيه شبت على بقدونس على كزبره اطلع اعمل منه
فى الاكلات اللى زى دى عشان الخضرا مش بتكون متوفره على طول
طبق فيه كوب زبادى صغير وكوب لبن وملعقة نشا مخفوقين مع بعض
3 فصوص ثوم وبصه متوسطه مقطعه صغير
الطريقه ...
نقطع البطاطس ونغسلها كويس ونقطعها مكعبات ونسلقها فى ميا وملح وكمون وفلفل
منسلقهاش اوى عشان متتهراش مننا معلش الصوره بتاعتها طلعت مظلمه ومش هنزلها
وبعدين نجيب طاسه تيفال ونحط قطعة سمن بلدى صغيره نشوح فيها البصل والتوم لحد ما يدبلوا
بس مش اكتر زى كده
وبعدين نحط فوقها البطاطس المسلوقه نشوحه كده شويه
ونكون محضرين الطبق اللى فيه الزبادى واللبن والنشا وعليهم الخضرا ونضربهم كويس بمضرب يدوى
وحطيت عليهم البيض واظبط الملح واحط فلفل وكمون حسب الرغبه كمان وضربتهم كويس كلهم بالشكل دا
وبعدين حطيتهم على البطاطس فى الطاسه بالشكل دا
وبعدين لما دخلوا شويه فى النضج حلوه النضج دى
رشيت جبنه موتزريلا بالشكل دا
وبعدين نغطيهم بغطا ونهدى عليهم خالص ونسيبهم 10 دقايق
ونحطهم فى الفرن عشان الوش يتحمر وكده لما طلعوا من الفرن
[b]وقطعتها بقطاعة البيتزا ودا شكلها
دى بقى فعلا بيتزا ولا اومليت ماحدش يعرف يفرق
وبكده الحمد لله خلصت وعلى الفكره دى اكله حلوه جدا ومغذيه عشان الاطفال وخفيفه جدا
ومافيش فيها زيوت خالص ولا اى دهون غير قطعه صغيره سمنه بلدى عشان الريحه تبقى حلوه
ولو عجبكم الموضوع ياريت ترودوا
الجمعة، 4 مايو 2012
الخميس، 3 مايو 2012
تحذير هام جدا اوعى تحطى ورق فويل على البوتجاز ابدااااااا
السلام عليكم و رحمة الله و بركاته
يا بنات انا بكتب الموضوع ده علشان كلنا نخلى بالنا
و كل واحده تقول لاهلها و لاصحابها
و كل واحده تقول لاهلها و لاصحابها
باختصار شديد ...
انا كنت دايما لمى انظف البوتاجاز كنت بحط ورق فويل عليه و حولين العيون علشان يفضل نظيفدايما و ميبقعش البوتاجاز نفسه
انا كنت دايما لمى انظف البوتاجاز كنت بحط ورق فويل عليه و حولين العيون علشان يفضل نظيفدايما و ميبقعش البوتاجاز نفسه
امبارح كنت مشغله البوتاجاز على الغدا و داخله المطبخ بعد شويه اشوف الاكل استوى ولا ايه ببص لقيت الجزء الى عند عيون البوتاجاز مولع و نار طالعه منه طبعا اترعبت و نديت لجوزى بسرعه و اول حاجه قفل محبس الغاز (غاز طبيعى )
و طبعا زراير البوتاجاز ساحت و منظر غريب مش فاهمين ايه ده ...
انهارده من شويه جت شركه كريازى بتوع البوتاجاز كشفوا عليه قالوا احمدوا ربنا جدااااااااااااااااااااااا الشقه دى كان ممكن يحصل فيها انفجار
الى حصل بقى
و طبعا زراير البوتاجاز ساحت و منظر غريب مش فاهمين ايه ده ...
انهارده من شويه جت شركه كريازى بتوع البوتاجاز كشفوا عليه قالوا احمدوا ربنا جدااااااااااااااااااااااا الشقه دى كان ممكن يحصل فيها انفجار
الى حصل بقى
ورق الفويل ده مع الوقت بيقع منه حتت صغيره جوه ماسورة الغاز الى جنب كل عين و الفويل ده مش بيتحرق اصلا و حته ورا التانيه الماسوره تتسد فالغاز يسرب على مكان تانى علشان كده النارالمحبوسه طلعتلى من عند الزراير .....و فعلا الراجل ورانا ورق الفويل الى واقع فى المواسير الصغيره
و النتيجه الى وصلنالها
محدش يستخدم فويل خااااااااااااااالص ولا اى حاجه تانيه البوتاجاز يتمسح و يتنظف و بس كده يتساب
محدش يستخدم فويل خااااااااااااااالص ولا اى حاجه تانيه البوتاجاز يتمسح و يتنظف و بس كده يتساب
انا حبيت ابلغكم و دى نصيحه ليكم كلكم و ياريت كل واحده تقولها للى تعرفهم
الاشتراك في:
الرسائل (Atom)