المقادير:
2كوب ونص دقيق
بيضة...فانيليا(غطا خل لانه بيعمل عمل محسن الخبز وبيدي المخبوزات طرااوة تجنن)
2 معلقة ك ونص زبدة مذابة
تلات اربع كوب لبن دافي
2 معلقة صغيرة ونص خميرة فورية
2 معلقة ك سكر
2 معلقة ك لبن بودرة
نص كوب بطاطس مسلوقة ومهروسة كويس جدا جدا(ودة الســـــر بقي)
ذرة ملح
بسم الله.....
هنسلق بطاطساية وناخدها نهرسها كويس اووووووووووي لازم تتهرس تمااااام جدا عشان متكلعكش في العجين ومنرميش مايتها الي اتسلقت فيها عشان بتساعد علي تخمير العجين هناخد شوية صغيرة منها نحطها عالخميرة واحنا بندوبها... عايزين بس نص كوب بطاطس
هنحط البطاطس المهروسة و نضيف عليها البيضة والفانيلا والخل(نضرب البيضة برة الاول وعليها الفانيلا والخل)
ونضيف عليهم الزبدة المذابة واللبن الدافي ميبقاش سخن اااوي دافي بس
وونضيف عليهم الخميرة (قبل الشغل خالص نكون ذوبناها في شوية ماية دافية وعليها معلقة سكر)
وبعدين نضيف الدقيق المضاف اليه معلقتين السكر وذرة الملح والحليب البودرة
هنفضل نعجن فترة عشان نخدم العجين كويس مش نكروت... العجين في الاول هيبقي بيلزق شوية نفضل نعجن فيه لحد مايلم وممكن نضيف شوية دقيق لو لقيناها بتلزق اوي بس منزودش دقيق زيادة عن اللزوم عشان العجينة متنشفش مننا بعد كدة وميتكتمش
هنا العجين بقي تمام هنسيبه يخمر....
ونغلفه كويس ونسيبه يخمر ساااااعة
هنا بعد العجين ماخمر الحمد لله
هنروح بقي علي ترابيزة او رخامة نضيفة جدا ونرش دقيق كتيييير ونفرد العجينة بسمك سم ونص او 2 سم
ونقطع الدوناتس انا بقطع بالقطاعة دي المخصوص بتاعته لو مش موجودة نقطع بكباية مثلا وغطا زجاجة بيبسي مالنص
وقبل التقطيع نكون جهزنا صينية كبيرة عليها ورق زبدة ونرش عليه دقيق كتييير عشان العجين ميلزقش في الصينية
هنسيبه يخمر تاني نص ساعة في مكان دافي الجو بررررد وممكن يحتاج وقت اطول شوية
هنا بعد ماخمر شوفوا الجمال ماشاءالله
بعد ماخمر هنجهز زيت القلي ويكون غزير وسخن
وعشان منبصمش علي حبة الدوناتس بنجيب مقصوصة او حاجة عريضة نرفع بيها الدوناتس بالشكل دة بالراااحة ونحاول ننفض الدقيق الي تحت كويس
شوفوا جماله وهو بيرقص في الزيت ماشاءالله منتفخ ازاي...مش بياخد وقت خالص عالنار اول ماياخد لون ذهبي نقلبه عالوش التاني وبرضو اول ماياخد لون ذهبي نطلعه مالزيت
هنطلع الدوناتس علي مناديل مطبخ عشان تمتص الزيت كويس
رااااائع يافتوكات
متستغربوووووش مالبطاطس هو دة سر الهشاشة والخفة
ونسيبه عشان يبرد ونكون جهزنا التغطية بتاعة الدوناتس الي هي عبارة عن
2 كوب سكر بودرة +2 معلقة زبدة+ شوية لبن صغيرين نضيف منه شوية شوية لحد مانوصل لقوام سميك نوعا ما
كدة الدوناتس برد وبقي تمااااااام ناخده بقي نغطسه في التوبينج الي عملناه انا سبت شوية بلونهم الابيض وشوية اضفت عليهم معلقة كاكاو وشوية اضفتلهم لون احمر...
وأخييييييييييييييييرا...
وطبعا ممكن نسيح شوكولاتة ونزين بيها الدوناتس
في المحلات برة بيحشو الدوناتس حشوات كتييير كاسترد او خليط بطعم التشيز كيك او نوتيلا او تفاح قطع صغيرة بالقرفة ويرشو عالوش سكر بودرة بالقرفة بيبقي واااااااو
فانا بصراحة كنت تعبت معملتش حاجة من دول المرة دي... فأخدت شوية من خليط السكر بالشوكولاتة بالسرنجة دي وحقنت بيه دوناتساية مدورة مش مخرومة مالنص....اعملي خرم صغير في الجنب وفرغيه بصباعك ودخلي فيه السرنجة بس السرنجة دي مكلبظة شوية
والله تحفة ياجماااعة شوفوا الهشاشة والجمال لازم كل الي يحب الدوناتس يجربه
ودة الدوناتس المحشي الله عليه بقي اما نحشيه نوتيلا
2كوب ونص دقيق
بيضة...فانيليا(غطا خل لانه بيعمل عمل محسن الخبز وبيدي المخبوزات طرااوة تجنن)
2 معلقة ك ونص زبدة مذابة
تلات اربع كوب لبن دافي
2 معلقة صغيرة ونص خميرة فورية
2 معلقة ك سكر
2 معلقة ك لبن بودرة
نص كوب بطاطس مسلوقة ومهروسة كويس جدا جدا(ودة الســـــر بقي)
ذرة ملح
بسم الله.....
هنسلق بطاطساية وناخدها نهرسها كويس اووووووووووي لازم تتهرس تمااااام جدا عشان متكلعكش في العجين ومنرميش مايتها الي اتسلقت فيها عشان بتساعد علي تخمير العجين هناخد شوية صغيرة منها نحطها عالخميرة واحنا بندوبها... عايزين بس نص كوب بطاطس
هنحط البطاطس المهروسة و نضيف عليها البيضة والفانيلا والخل(نضرب البيضة برة الاول وعليها الفانيلا والخل)
ونضيف عليهم الزبدة المذابة واللبن الدافي ميبقاش سخن اااوي دافي بس
وونضيف عليهم الخميرة (قبل الشغل خالص نكون ذوبناها في شوية ماية دافية وعليها معلقة سكر)
وبعدين نضيف الدقيق المضاف اليه معلقتين السكر وذرة الملح والحليب البودرة
هنفضل نعجن فترة عشان نخدم العجين كويس مش نكروت... العجين في الاول هيبقي بيلزق شوية نفضل نعجن فيه لحد مايلم وممكن نضيف شوية دقيق لو لقيناها بتلزق اوي بس منزودش دقيق زيادة عن اللزوم عشان العجينة متنشفش مننا بعد كدة وميتكتمش
هنا العجين بقي تمام هنسيبه يخمر....
ونغلفه كويس ونسيبه يخمر ساااااعة
هنا بعد العجين ماخمر الحمد لله
هنروح بقي علي ترابيزة او رخامة نضيفة جدا ونرش دقيق كتيييير ونفرد العجينة بسمك سم ونص او 2 سم
ونقطع الدوناتس انا بقطع بالقطاعة دي المخصوص بتاعته لو مش موجودة نقطع بكباية مثلا وغطا زجاجة بيبسي مالنص
وقبل التقطيع نكون جهزنا صينية كبيرة عليها ورق زبدة ونرش عليه دقيق كتييير عشان العجين ميلزقش في الصينية
هنسيبه يخمر تاني نص ساعة في مكان دافي الجو بررررد وممكن يحتاج وقت اطول شوية
هنا بعد ماخمر شوفوا الجمال ماشاءالله
بعد ماخمر هنجهز زيت القلي ويكون غزير وسخن
وعشان منبصمش علي حبة الدوناتس بنجيب مقصوصة او حاجة عريضة نرفع بيها الدوناتس بالشكل دة بالراااحة ونحاول ننفض الدقيق الي تحت كويس
شوفوا جماله وهو بيرقص في الزيت ماشاءالله منتفخ ازاي...مش بياخد وقت خالص عالنار اول ماياخد لون ذهبي نقلبه عالوش التاني وبرضو اول ماياخد لون ذهبي نطلعه مالزيت
هنطلع الدوناتس علي مناديل مطبخ عشان تمتص الزيت كويس
رااااائع يافتوكات
متستغربوووووش مالبطاطس هو دة سر الهشاشة والخفة
ونسيبه عشان يبرد ونكون جهزنا التغطية بتاعة الدوناتس الي هي عبارة عن
2 كوب سكر بودرة +2 معلقة زبدة+ شوية لبن صغيرين نضيف منه شوية شوية لحد مانوصل لقوام سميك نوعا ما
كدة الدوناتس برد وبقي تمااااااام ناخده بقي نغطسه في التوبينج الي عملناه انا سبت شوية بلونهم الابيض وشوية اضفت عليهم معلقة كاكاو وشوية اضفتلهم لون احمر...
وأخييييييييييييييييرا...
وطبعا ممكن نسيح شوكولاتة ونزين بيها الدوناتس
في المحلات برة بيحشو الدوناتس حشوات كتييير كاسترد او خليط بطعم التشيز كيك او نوتيلا او تفاح قطع صغيرة بالقرفة ويرشو عالوش سكر بودرة بالقرفة بيبقي واااااااو
فانا بصراحة كنت تعبت معملتش حاجة من دول المرة دي... فأخدت شوية من خليط السكر بالشوكولاتة بالسرنجة دي وحقنت بيه دوناتساية مدورة مش مخرومة مالنص....اعملي خرم صغير في الجنب وفرغيه بصباعك ودخلي فيه السرنجة بس السرنجة دي مكلبظة شوية
والله تحفة ياجماااعة شوفوا الهشاشة والجمال لازم كل الي يحب الدوناتس يجربه
ودة الدوناتس المحشي الله عليه بقي اما نحشيه نوتيلا
ليست هناك تعليقات:
إرسال تعليق