الجمعة، 27 يناير 2012

طريقة عمل شاورما الفراخ بالصور

السلام عليكم ورحمه الله وبركاته
ده اول مره انزل وصفه فى منتدى الطبخ هنا بس استقذتنى من كتر جمالها
وبجد جربيها وانتى حتدعيلى وحتبطلى تشترى اى شاورما من بره
مش حتكلم كتير والصور اللى حتتكلم عن نفسها وعلى فكره تنفع دايت لانها معليهاش اى ماده دهنيه ولازيت ولا زبده
المقادير ودى تكفى خمس اشخاص
نص كيلوا صدور فراخ مخليه
ملح فلفل كمون توم كركم زعتر قرفه زبادى ليمون معلقتين صلصه
فلفل الوان اخضر واصفر واحمر لو مفيش كفايه الاخضر بصل بقدونس
الطريقه
نعمل للفراخ صدمه حتقولولى ازاااااااااااااااااى
تجيبى طاسه وتسخنيها كويس من غير لا زيت ولا اى حاجه وتحطى شرايح الفراخ ثوانى وتقلبيها على الوشين بس لونها يبيض وحوريكى الصوره
تبقى كده

شاورمه الفراخ الوهميه اللى حتخلى محلات الشاورما تجيب ضلفها بالصور الكتييير
عملتى الصدمه تعالى بقى وقطعى الفراخ شرايح بالطول رفيعه زى بتاعه الشاورما
كده
شاورمه الفراخ الوهميه اللى حتخلى محلات الشاورما تجيب ضلفها بالصور الكتييير

بعد ما تقطعيها كلها حطيها فى طبق غويط وحطى عليها التوم والتوابل دى
ملح فلفل كركم كمون زبادى زعتر ليمون والصلصه وقلبيها كويس وغطيها وسبيها اطول فتره ممكنه اقل حاجه ساعه
زى كده
شاورمه الفراخ الوهميه اللى حتخلى محلات الشاورما تجيب ضلفها بالصور الكتييير
بعد كده سخنى طاسه كبيره وحطى فيها الفراخ بالتتبيله على النار من غير اى اضافات وسبيها تنزل ميتها وتستوى فى عرقها
خالص لحد ما تنشف الميه وميبقاش فيها ريحه الميه نوهائى ولو طابت الفراخ ولسه فه ميه انقليها طاسه تانيه لازم ميبقاش فيه ميه
وده اللى بينجح الشاورما
تبقى كده

شاورمه الفراخ الوهميه اللى حتخلى محلات الشاورما تجيب ضلفها بالصور الكتييير
شيفين الفراخ نشفه ازاى ومفيهاش نقطه ميه
نكون بقى فى الوقت ده قطعنا بصل جوانح وفلفل الوان جوانح شرايح يعنى
زى كده

شاورمه الفراخ الوهميه اللى حتخلى محلات الشاورما تجيب ضلفها بالصور الكتييير
وننزل بيهم على الفراخ
زى كده
شاورمه الفراخ الوهميه اللى حتخلى محلات الشاورما تجيب ضلفها بالصور الكتييير

قلبيها على الفراخ
تاخد وتدى اقل من خمس دقايق لحد ما الخضار والبصل يدبلوا بس مش اكتر من كده عشان يقرمشوا فى الاكل زى الشاورما بتاعه المحلات
والنتيجه احلى شاورمه فراخ

شاورمه الفراخ الوهميه اللى حتخلى محلات الشاورما تجيب ضلفها بالصور الكتييير
طبعا مسكتش على كده بعمل عيش فينوا واعمل منها اجمل والذ سندوتشات شاورما
كمان بعمل منها معجنات مع عجينه العشر دقايق وبتبقى وهميه اخر حاجه
وكمان عملت منها فطير حادق رائع وحوريلكم الصور والطريقه المشاركه الجايه
بس عايزهردود وتقييم لانى تعبت فى الموضوع ده وكنت مستعجله جدا والله بس
لانى ملقتش شاورما بالطريقه دى والجمال ده قبل كده على المنتدى خالص
واخيرا بقى الدعوه الحلوه بصلاح القلب وان ربنا يحفظ اولادى ويهدى زوجى

فتكات